மனிதர்கள் உலகியலான சுகங்களுக்காக ஏங்குகிறார்கள்.இதை சரியாக நீங்கள் ஆராய்ந்து பார்த்தால், இதுவே வியாதியாகும்; இதிலிருந்து விளையும் நாம் அனுபவிக்கும் துயரமே இதற்கான மருந்தும் நிவாரணமும் ஆகும்.இந்த உலகியலான சுகங்களுக்கு நடுவில், இறைவனை அடையவேண்டும் என்ற விருப்பம் ஒருவருக்கு அரிதாகவே வருகிறது. இதைத் தவிர ஒருவரது ஒவ்வொரு செயலையும் ஆராய்ந்து , பகுத்தறிவது அவசியமாகிறது. இப்படிப் பட்ட ஆய்வே, துறவு மனப்பான்மை உணர்வை உருவாக்கும்.இந்த முயற்சி இன்றி துறவு மனப்பாங்கை அடைவது கடினமே. கஞ்சத்தனம் என்பது ஒரு நாய்க்குணமாகும்; இதனை மாற்றியே ஆக வேண்டும். கோபம் ,ஆன்மீக சாதகனின் முதல் எதிரி; இதி எச்சிலுக்குச் சமமானது; அதை அவ்வாறே கையாள வேண்டும். அசத்தியம் அதைவிட அருவருப்பானது; அசத்தியத்தினால், அனைவரின் ஜீவாதார சக்திகளும் அழிக்கப் படுகின்றன. அதை துப்புறவாக்கும் ஒன்றாகவே கருத வேண்டும். திருடுதல், வாழ்க்கையையே பாழடிக்கிறது; அது விலை மதிப்பற்ற வாழ்க்கையை ஒரு உணவுப் பண்டத்தை விட மலிவானதாக்கி விடுகிறது; அது ஒரு அழுகிய, துர்நாற்றமடிக்கும் மீனைப் போன்றது.மிதமான ஆஹாரம், மிதமான உறக்கம்,ப்ரேமை மற்றும் மனோபலம் ஆகியவை உடல் மற்றும் மனதின் ஆரோக்கியத்தைப் பேண உதவும்.