ப்ரேமையை வளர்த்துக் கொள்ளுங்கள். உங்கள் வாழ்க்கை முழுவதையும் ப்ரேமையால் நிரப்புங்கள்.இந்தப் பிரார்த்தனையைத் தான் கோபிகைகள் ஸ்ரீ கிருஷ்ணரிடம் வைத்தார்கள்.ப்ரேமையற்ற வாழ்க்கை முழுவதுமாக வரண்டு போன ஒன்றே.நீங்கள் ப்ரேமை ஸ்வரூபங்களே.எது சத்தியமோ அதை நோக்கித் தான் ப்ரேமை செலுத்தப் பட வேண்டும்.இப்படிப் பட்ட ப்ரேமையே உங்கள் உயிர் மூச்சாக இருக்க வேண்டும்.தெய்வீக ஆத்மாவின் ஸ்வரூபங்களே ! தெய்வீகத்தின் சாரமே ப்ரேமை எனப் போற்றி, நீங்கள் சமூகத்திற்கு அன்பான சேவை ஆற்ற வேண்டும்.இன்று இங்கு ஏன் லக்ஷக்கணக்கான மக்கள் குழுமி இருக்கிறார்கள்? இதற்கு ஏதாவது கட்டாயமான காரணம் ஏதாவது இருக்க வேண்டும். உங்களது சொந்த ஊரில் நீங்கள் காண முடியாத ஏதோ ஒன்றை நீங்கள் தேடிக் கொண்டு இருந்திருக்க வேண்டும். இங்கு தான் இருக்கிறது அந்த தெய்வீக ப்ரேமை. அனைத்து மக்களையும் இங்கு ஈர்த்திருப்பது, இதயங்களை இணைக்கும் தெய்வீக ப்ரேமையின் சக்தியே.இதற்கு எல்லாம் அடிப்படை தூய்மையே. தூய்மை எங்கு இருக்கிறதோ அங்கு ப்ரேமை வளர்கிறது. தூய்மையும், ப்ரேமையும் சேரும்போது, அங்கு ஆனந்தம் இருக்கிறது.நாம் எந்த வேலையைச் செய்தாலும், எப்படிப் பட்ட யாகங்களைச் செய்தாலும், ப்ரேமை இல்லை எனில், அவற்றால் பயனில்லை.