நீங்கள் சத்தியத்தை நாடி, அதை பகுத்தறிவின் அனைத்து நியதிகளாலும் முற்றிலும் பரிசோதித்துப் பார்க்க வேண்டும். அவையே, 1)தர்மத்தைத் தீவிரமாகக் கடைப்பிடிப்பதில் தீரம் ( ஓஜஸ்); 2)அச்சமேயில்லாத சுயக் கட்டுப்பாடு ( தேஜஸ்); 3) வாழ்வின் ஏற்றத் தாழ்வுகளால் ஏற்படும், சுக , துக்கங்களை, சமச்சீராக ஏற்றுக் கொள்வதன் மூலம் நிராகரித்தல்; 4)சத்தியம் மற்றும் தர்மத்தில் அசைக்க முடியாத நம்பிக்கை கொண்டிருத்தல் ( ஸஹானா); 5) கட்டுப்பாடு மற்றும் பிரம்மச்சர்யத்தால் பெறப்பட்ட மிகச் சிறந்த வகையான மன மற்றும் உடல் நலம் ( பலா); 6) தர்மத்தையும்,ப்ரேமையையும் அனுசரிப்பதால் பெற்ற, இனிமை மற்றும் நேர்மையாகப் பேசுவதற்கான ஆர்வமும், திறமையும் ; 7) களங்கம் மற்றும் பாவத்திலிருந்து ஐந்து கர்மேந்திரங்களையும், ஐந்து ஞானேந்தியங்களையும் விலக்கி,அனைத்து புலன்களையும் சத்தியத்திற்கு சேவை ஆற்றும் வண்ணம் புனிதப்படுத்துவது ( இந்திரிய-மோஹ);8)ஆத்ம ஜயம் பெறுவதன் மூலம் உலகத்தின் ஏற்புடமையை அடைதல்; 9) தனது பாரபட்சங்களை அழித்து, எல்லாக் காலங்களிலும் சத்தியத்தைப் பின்பற்றுதல் ( தர்ம). இந்த பிரபஞ்சமயமான தர்மத்தின் மஹத்துவத்தை, இன்று மனித குலம் அனைத்தும் ஏற்றுக் கொள்வது மிகவும் அத்தியாவசியமானதாகும். ‘’ சமக ‘’ வேத மந்திரங்களில் காணப்படுவதைப் போல, ‘’ இவை அனைத்தும் எனக்குக் கிடைக்கட்டும் ‘’ என நீங்கள் உளமாற பிரார்த்திக்க வேண்டும்.