எப்போதும் அன்பு செலுத்துங்கள், சத்தியத்தையே பின்பற்றுங்கள்; பொய்மை ஒரு போதும் பயனளிப்பதில்லை. சிலர் மதிக்கக் கூடும்; ஆனால் எவரும் பொய்மை, வஞ்சகம் மற்றும் அநீதியை எல்லாக் காலங்களிலும் மதிப்பதில்லை என்பதை நீங்களே காண்பீர்கள்.அதே சமயம், சத்தியம், நேர்மை,நாணயம் மற்றும் நீதியை ஒவ்வொருவரும் மதிக்கிறார்கள்.தெய்வீகமான மனிதன் (தேவதா) யார்? அது, தங்கள் தினசரி வாழ்க்கையில் சத்தியத்தை ஒரு விரதமாகக் கடைப்பிடிக்கும் ஒருவருக்கு இடப்படும் ஒரு பெயர் மட்டுமே. வேதங்கள் அறிவுறுத்தும் தர்மம் சோதிக்கப்பட்டு, நிரூபிக்கப் பட்டு, காலம் காலமாக நிலை கொண்டிருக்கும் திறன் படைத்ததாகும்.அது பாரபட்சமற்றது, நியாயமானது. பழகப் பழக , அதில் நம்பிக்கை வளரும். தெய்வ வழிபாடு , வேதங்களில் குறிப்பிடப் பட்ட விதிகளைப் பின்பற்ற வேண்டும்;இதன் மூலம் , மனிதர்கள் தார்மீகமான வாழ்க்கை நடத்துவதற்கான வலிமையைப் பெறுகிறார்கள். இந்த தர்மமே இறைவனின் ஆணையாகும்; இதுவே இறைவனின் உண்மையான குரலாகும்; எனவே, இதை அனைவரும் பின்பற்ற வேண்டும். தர்மம், அனைவருக்கும் நன்மை பயக்கிறது; அது இம்மைக்கும் மறுமைக்கும் ஆனந்தம் அளிக்கிறது.