தர்மத்தைச் சார்ந்திருப்பது உங்களது சந்தோஷத்தை உறுதி செய்வதோடு, அதை அதிகரிக்கவும் செய்யும். ஒருவர் , மற்றவர்கள் மீது வளர்த்துக் கொள்ளும் த்வேஷத்தை அது நீக்கி விடும். அது,மற்றவர் துன்பப்படும்போதோ அல்லது துயரப் படும் போதோ, நீங்கள் தற்பெருமையால் பூரித்து விடாமல் இருக்கச் செய்யும். இப்படிப் பட்ட கொடிய தன்மை உங்களுக்கு மகிழ்ச்சி அளிக்க முடியுமா? அனைவரும் சந்தோஷமாக இருந்தால் தான் நீங்களும் சந்தோஷமாக இருக்க முடியும் என்பதை நினைவில் கொள்ளுங்கள் ! மனமும், மனச்சாட்சியும், அனைத்து மனித குலத்தின் நலன் ( ஸர்வ-மானவ-ஸூகா) என்ற பாதையில் நேராக வைக்கப் பட்டு இருக்க வேண்டும்.அனைவருக்கும் சேவை செய்து, அனைவருக்கும் சந்தோஷம் அளிக்கும் ஒருவரிடம் மட்டுமே தர்மம் தானும் பிரகாசித்து, அவருக்கும் ஒளியூட்டும்.இப்படிப் பட்ட மனிதர் இறைவனது அருளைப் பெறுவதோடு மட்டும் அல்லாமல், தனிச் சிறப்புள்ள தகுதியான இறைவனோடு ஒன்றரக் கலப்பதையும் பெறுவார்.நீங்கள் எப்போதும் யாருக்கும் எதைக் கொடுத்தாலும் அல்லது பெற்றுக் கொண்டாலும் தர்மத்தின் எல்லைகளைத் தாண்டாமல் இருக்குமாறு பார்த்துக் கொள்ளுங்கள்.அதன் கட்டளைகளுக்கு எதிராகச் செல்லாதீர்கள்.அதை உங்களது தலையாய கடமையாகக் கருதி, அதை எல்லாக் காலத்திலும் பின்பற்றுங்கள். உங்களது ஒவ்வொரு சக்தியையும் தர்மத்தின் சாரத்தால் நிரப்பி, அதன் பாதையில் நடக்க, ஒவ்வொரு நாளும், மேலும் மேலும், பாடுபடுங்கள்.