சங்கராந்திப் பண்டிகையை,ஒருவர் தனது திருஷ்ட்டியை இறைவனை நோக்கித் திருப்பும் ஒரு நாளாகக் கருத வேண்டும்.உங்களது வாழ்க்கையை ஒரு கரும்புத் தண்டிற்கு ஒப்பிடலாம். கடினமாகவும், பல கணுக்கள் உள்ளதாகவும் உள்ள கரும்பைப் போல, வாழ்க்கையும் பல துன்பங்கள் நிறைந்ததாக இருக்கிறது. எவ்வாறு கரும்பைப் பிழிந்து , அதன் சாறை வெல்லமாக்கினால் தான், அதன் நிலையான இனிமையைச் சுவைக்க முடியுமோ, அவ்வாறே, இந்தக் கஷ்டங்களை வென்றால் தான் தெய்வீக ஆனந்தத்தை அனுபவிக்க முடியும். நிரந்தரமான ஆனந்தத்தை, சோதனைகள் மற்றும் துயரங்களை வென்றால் மட்டுமே பெற முடியும். தங்கத்தை, ஒரு உலையில் இட்டு உருக்கி, அதை ஒரு அழகான ரூபத்திற்கு மாற்றாமல், அதை ஒரு கவர்ச்சிகரமான ஆபரணமாக ஆக்க முடியாது. நான் பக்தர்களை, ‘’ பங்காரு ‘’( தங்கமே) என்று அழைக்கும் போது, உங்களை நான் விலைமதிக்க முடியாதவர்களாகக் கருதுகிறேன்! வாழ்க்கையின் ஏற்றத் தாழ்வுகளை, சகிப்புத் தன்மையுடன் அனுபவித்தால் மட்டுமே, நீங்கள் மிக உயர்ந்த மதிப்புள்ளவர்களாக ஆகிறீர்கள். துன்பங்கள் உங்களையே மூழ்கடித்து விட ஒரு போதும் அனுமதிக்காதீர்கள். தன்னம்பிக்கையையும், இறைவன் பால் திடமான நம்பிக்கையையும் வளர்த்துக் கொள்ளுங்கள். நிலைகுலையாத நம்பிக்கையுடன், உங்களது சகமனிதர்களுக்கு சேவை ஆற்றுவதில் உங்களை அர்ப்பணித்துக் கொண்டு, பிறருக்கு முன்னுதாரணமான வாழ்க்கையை நடத்துங்கள்.