ஒரு முறை நாரதர்,பகவான் ஸ்ரீராமரை, அவரது பக்தர்கள் மற்றும் ஆன்மீக சாதகர்களின் தன்மையைப் பற்றிக் கேட்ட போது, பகவான் கூறியதாவது,’’எனது பக்தர்கள் ப்ரேமையால் நிரம்பியவர்கள்;அவர்கள் எப்போதும் தர்மத்தையும், சத்தியத்தையும் பற்றி நிற்பவர்கள்; அவர்களது இதயங்கள் கருணையால் உருகுபவை;அவர்கள் பாவத்தைத் தவிர்த்து, எல்லாவற்றையும் சந்தோஷமாகத் தியாகம் செய்பவர்கள்;அவர்கள் மிதமாகச் சாப்பிட்டு, மற்றவர்களுக்கு நற்கருமங்களை ஆற்றுவதில் ஈடுபட்டு, எந்த விதமான சுயநலமோ, சந்தேகங்களோ அற்றவர்களாக இருப்பவர்கள்.அவர்கள் புகழ்ச்சிக்குச் செவி சாய்க்காது,ஆனால் மற்றவர்களில் உள்ள நல்லவற்றைப் புகழ்வதைக் கேட்க ஆவலுள்ளவர்களாக இருப்பார்கள். இப்படிப் பட்ட குணங்களைப் பெற விழைவோரும் இப்படிப் பட்ட குணநலன்களைக் கொண்டவருமே ஆன்மீக சாதகர்கள் ஆவார்கள்.இறை நாமஸ்மரணே செய்யும் எவரும், புலனடக்கம் மற்றும் கட்டுப்பாடு, நம்பிக்கை,பொறுமை,நட்புணர்வு, கனிவு மற்றும் ஆனந்தம் உடையவர்களாக இருப்பதோடு, என்னிடம் களங்கமற்ற ப்ரேமை கொண்டவர்களாகவும் இருப்பார்கள்- இப்படிப் பட்ட மனிதர் எனக்கு மிகவும் பிரியமானவர் ஆவார்.பகுத்தறிவு மற்றும் பற்றின்மை,பணிவு மற்றும் ஞானத்துடன், உண்மை நிலையை அறிந்தவர்களாகவும்,என்னுடைய தெய்வீக லீலைகளைத் தியானிப்பதில் மூழ்கி இருப்பவர்களாகவும்,எப்போதும் என் நாமத்தைத் தியானிப்பவர்களாகவும், எவரது உதடுகளிலிருந்தும் இறைவனது நாமத்தைக் கேட்ட போதும், ஆனந்தக் கண்ணீர் சொரிபவர்களாகவும் இருக்கிறார்களோ, அவர்களே எனது உண்மையான பக்தர்கள்.’’ இவ்வாறு ஸ்ரீராமர் ,நாரதருக்கு பதிலளித்தார்.