தோட்டத்தில் உள்ள பூத்துக் குலுங்கும் மலர்களைப் பாருங்கள் ! தோட்டக்காரர் மலர்களைப் பறிக்கும் போது, மொட்டுக்கள் , நாளை, அந்தத் தோட்டக்காரரின் கரங்களால் பறிக்கப் பட வேண்டியது தங்களது முறை என குதூகலித்து, அந்த நம்பிக்கையில் அவை மலரும் போது,அவைகளது முகங்கள் ஆனந்தத்தால் நிரம்பிக் காட்சியளிக்கின்றன.அவை சோகமாக இருக்கின்றனவா? அவர்களது முகங்கள் தொய்கின்றனவா?அவை ஒளியிழந்து காணப்படுகின்றனவா? இல்லையே. அடுத்த நாள் எங்களது முறை என அவை தெரிந்து கொண்ட உடனேயே, அவை தங்களை மிகுந்த உற்சாகத்துடனும், பரபரப்புடனும் தயாராக்கிக் கொண்டு விடுகின்றன. அதைப் போலவே, நீங்களும் ஆன்மீக சாதனைப் பாதையில் தயாராக இருக்க வேண்டும்! உங்களது முறை நாளை தான் என்றோ அல்லது இன்று யாரோ இறந்து விட்டார் என்றோ கவலை கொண்டு, சோகமாக இருக்காமல்,ஒவ்வொரு நிமிடமும் இறை நாமத்தை, ஆர்வத்துடன் நினைவு கூறுங்கள்.தங்களை ஆன்மீக சாதகர்களாக மாற்றிக் கொண்டவர்களுக்கு, அவர்களது மனமே மதுரா ( பகவான் ஸ்ரீ கிருஷ்ணர் பிறந்த இடம்), அவர்களது இதயமே துவாரகா ( பகவான் ஸ்ரீ கிருஷ்ணரின் விளையாட்டு அரங்கம்), அவர்களது உடலே காசி ( சிவபெருமானின் உயர்ந்த புனிதத்தலம் ).