இறைவன் நிரந்தரமான சக்தி உடையவன், சர்வ வல்லமை படைத்தவன் , அனைத்தும் அறிந்தவன்.காரணமும், காரியமும் அவனே-குயவன்,களிமண் மற்றும் குடமும் அவனே.இறைவன் இன்றி இந்த பிரபசஞ்சம் இல்லை.இறைவன் ஸங்கல்பித்தவுடன் அவனது வீலையாக, அவனது சக்தியின் வெளிப்பாடாக, இந்த பிரபஞ்சம் தோன்றியது. அவனது ஸங்கல்பம்,அவனது சக்தி மற்றும் அவனது ஞானத்தின் திருவுருவங்களே மனிதர்கள். ஆனால்,அறியாமை எனும் மேகங்கள் சத்தியத்தை மறப்பதால், அவர்கள் இந்த மகத்துவத்தை அறியாதவர்களாக இருக்கிறார்கள். எனவே தான் இறைவன் முனிவர்களையும், இறைத்தூதர்களையும் அனுப்புகிறான்; இந்த சத்தியத்தை வெளிக்காட்டி, மனித குலத்தை தட்டி எழுப்பி, மோக்ஷம் அளித்திட அவனே கூட அவதாரம் எடுத்து வருகிறான். இரண்டாயிரம் ஆண்டுகளுக்கு முன்பு, குறுகிய தற்பெருமைகளும், மலிந்த அறியாமையும் மனித குலத்தை மாசுபடுத்தியபோது, அன்பு மற்றும் கருணையின் வடிவாக ஏசு பிரான் அவதரித்து, மனிதர்களிடையே வாழ்ந்து, உயர்ந்த இலட்சியங்களை நிலை நாட்டினார். ‘’ கிருஸ்துமஸ்’’ என்றால், ‘’ ஏசு பிரானின் பிறந்த நாளன்று நடத்தப் படும் கூட்டுப் பிரார்த்தனை’’ என்று பொருள். இது மிகவும் புனிதமான மதச் சடங்காகும். இந்தப் பண்டிகையை, குடித்துக் கும்மாளம் அடிக்கும் ஒன்றாக நடத்துவது மிகவும் தவறாகும். கிருஸ்துமஸ் தினத்தை பிரார்த்தனையில் செலவிடுங்கள்.