உங்களது நாள் பொழுது மலர்ந்து,உங்களது வேலை மற்றும் உழைப்பின் களத்தில் நீங்கள் இறங்கும்போது, ரஜோகுணத்தால் ஆக்ரமிக்கப் படுகிறீர்கள். மதிய உணவை உண்பதற்கு முன்னால்,இறைவனை மறுபடியும் தியானித்து, உங்களது செயல்களையும்.அதன் பலனையும் இறைவனுக்கே அர்ப்பணித்து விடுங்கள்.இந்த பக்தி பூர்வமான செயல் மற்றும் நன்றியுணர்வு கலந்த நினைவு கூர்தலுக்குப் பின்பே உணவை உட்கொள்ள ஆரம்பியுங்கள். இதுவே , மதிய (மாத்யான்னிக )கால வழிபாட்டின் பொருளாகும்.இந்தச் சடங்கைச் செய்வதன் மூலம்,ரஜோகுணம் கட்டுக்குள் வைக்கப் பட்டு,ஸாத்வீக குணம் மேலோங்குகிறது.ஒரு நாட்பொழுதில்,மனிதர்கள் , மூன்றாவது இயல்பான தமோ குணத்தினால் ஆக்ரமிக்கப் படுகிறார்கள்.மாலைப் பொழுது தோன்றியவுடன், ஒருவர் வீட்டிற்கு விரைந்து,வயிறார உண்டு ,பின்னர் உறங்கத் தொடங்குகிறார்.ஆனாலும்,ஒரு கடமை பாக்கி இருக்கிறது. உண்பதும், உறங்குவதையும் மட்டுமே செய்வது சோம்பேறிகள் மற்றும் வீணர்களின் தலை விதியாகும்.எப்போது, அனைத்திற்கும் கீழ்த்தரமான தமோ குணத்தின் கை மேலோங்குகிறதோ,இறைவனைப் போற்றுபவர்களின் நட்பு வட்டத்தில் இருப்பது,இறைவனது மாட்சிமையைப் பற்றிப் படிப்பது, நற்குணங்களை வளர்த்துக் கொள்வது,நல்லொழுக்கத்தின் விதிமுறைகளை ஆக்க பூர்வமான முறையில் கடைப்பிடிப்பது போன்றவற்றின் மூலம்,அதனது பிடியிலிருந்து தப்புவதற்கு ஒருவர் பிரத்யேகமாக முயற்சி செய்ய வேண்டும். இதுவே மாலையில் செய்ய வேண்டிய வழிபாடாகும் (ஸந்த்யாவந்தனா).