இறை நாமத்தை மனதில் கொண்டு, உங்களது ஸ்வதர்மத்தை வெளியில் கடைப்பிடியுங்கள்.தன்னலமற்ற சேவை ஆற்றும் போதும் கூட,உங்களது மனம் இறை நாமஸ்மரணை செய்து கொண்டு இருக்கட்டும்.மழைநீர் மலை உச்சிகளில் பெய்து,அதன் பக்கங்களில் வழிந்தோடும் போது அதிலிருந்து நதிகள் உருவாவதில்லை.ஆனால் தண்ணீர் ஒரே திசையில் பாய்ந்தோடி முதலில் ஒரு ஓடையாக, பின்னர் நீரோட்டமாக, பின்னர் வெள்ளப் பெருக்காக, இறுதியில் ஒரு நதியாக உருவாகும் போது தான்,மழை நீர் கடலைச் சென்று அடைகிறது. ஒரே திசையில் பாயும் தண்ணீர் கடலைச் சென்று அடைகிறது; நாலா பக்கமும் அலைபாயும் தண்ணீர், நிலத்தில் ஊறி, காணாமல் போய்விடுகிறது. உள்ளார்ந்த உந்துதல்களும் (ஸம்ஸ்காரங்கள்) இதைப் போன்றவையே. அவை வெறுமனே, இன்று ஒரு பக்கம், நாளை அந்தப் பக்கம் என வந்து போவதால் என்ன பயன்? நல்ல உள்ளார்ந்த விருப்பங்கள் என்ற புனித நீரோட்டம் முழுவதும்,புனித எண்ணங்கள் என்ற நிலங்களின் வழியாக, நிலையாக ஓடி, இறுதியில், இறக்கும் தருவாயில் தலைசிறந்த ஆனந்த சாகரமெனும் கடலில் கலக்க வேண்டும்.