இந்த வாழ்வு மற்றும் அதன் அனைத்துப் போராட்டங்களின் இறுதி முடிவு, இறக்கும் தருவாயில் நமது நினைவிற்கு எது வருகிறது என்பது தான்.எனவே, இந்த வாழ்வின் முழு ஓட்டத்தையும், உங்களது இறுதித் தருவாயில் நீங்கள் என்ன வேண்டும் என விரும்புகிறீர்களோ, அந்த சம்ஸ்காரத்தை நோக்கி செலுத்துங்கள். இறப்பின் தருணத்தில் ஆக்ரமித்து இருக்கும் உணர்வே, வரும் ஜென்மங்களில் அதிக சக்தியுடன் வேலை செய்கிறது.இந்த உண்மையே ஒருவரை தனது வாழ்க்கைப் பயணத்தை நடத்த வழிகாட்ட வேண்டும்; ஏனெனில், நமது வாஸனாக்களே ( உள்ளார்ந்த உந்துதல்களே) இந்தப் பயணத்திற்கும்,இதற்கு அப்பாற்பட்டதற்கும் ஆதாரமாகின்றன.எனவே, நாளையிலிருந்து, தவிர்க்க இயலாத இறப்பு என்பதை உங்களது மனக் கண்களின் முன் வைத்து, அனைவருக்கும் நல்லதையே விரும்பி, சத்தியத்தை உறுதியாகக் கடைப்பிடித்து,எப்போதும் நல்லவர்களின் நட்பு வட்டத்தையே நாடி,மனதை எப்போதும் இறைவன் பால் நிலைநிறுத்தி, இந்த வாழ்க்கைப் பயணத்தை நடத்துங்கள்.தீய செயல்கள், வெறுப்பும்,தீங்கும் நிறைந்த எண்ணங்கள் ஆகியவற்றைத் தவிர்த்து விடுங்கள்;இந்த உலகத்தின் மீது பற்று வைக்காதீர்கள். இப்படி நீங்கள் வாழ்வீர்களேயானால், உங்களது இறுதித் தருணம், தூய்மையானதாகவும், இனிமையானதாகவும், ஆசீர்வதிக்கப் பட்டதாகவும் இருக்கும்.