இறைவனை பரமபக்தியால் மட்டுமே அடைய இயலும்.பரம பக்தி என்பதை ஆன்மீக ஞானத்தின் மூலமே பெற முடியும்.ஆன்மீக ஞானத்தை ஸ்ரத்தையின் மூலமாகவே வளர்க்க முடியும், ஸ்ரத்தை அல்லது நம்பிக்கை அன்பு அல்லது ப்ரேமையின் மூலமாக மட்டுமே வரும்.எனவே, ப்ரேமையை வளர்த்துக் கொள்வது எப்படி? இரண்டு வழிகளில் 1). மற்றவர்களது குறைகளை, அவை எவ்வளவு பெரியதாக இருந்தாலும், அவற்றை முக்கியத்துவம் அற்றதாகவும்,துச்சமாகவும் கருதுங்கள்.எப்போதும் உங்களது குறைகளை அவை எவ்வளவு முக்கியத்துவம் அற்றதாகவும்,துச்சமாகவும் இருந்தாலும், அவற்றைப் பெரிதாகக் கருதி,அதற்காக வருந்தி, பச்சாதாபப் படுங்கள். இவற்றின் மூலம்,மேலும் பெரிய தவறுகள் மற்றும் குறைகளை வளர்த்துக் கொள்வதைத் தவிர்த்து, சகோதரத்துவம் மற்றும் சகிப்புத் தன்மை என்ற குணங்களைப் பெறுவீர்கள். 2.உங்களுக்கேயோ அல்லது பிறருக்கோ, நீங்கள் எதைச் செய்தாலும்,இறைவன் அங்கிங்கெனாதபடி எங்கும் நிறைந்தவன் என்பதை நினைவில் கொண்டு, செய்யுங்கள்.அவன் அனைத்தையும் காண்பவன், கேட்பவன், அறிந்தவன். உண்மை எது, பொய் எது எனப் பகுந்தறிந்து, உண்மையையே பேசுங்கள்.நல்லது எது, கெட்டது எது எனப் பகுத்தறிந்து, நல்லவற்றையே செய்யுங்கள். ஒவ்வொரு தருணத்திலும் இறைவனது ஸர்வ வல்லமையை உணர்வதற்குப் பாடுபடுங்கள்.