'' என் வாழ்க்கையே எனது உபதேசம் '' என நான் அடிக்கடி கூறுவதுண்டு. அவதார புருஷர்கள் தங்களது தெய்வீகத்தை உணர்த்துவதற்காக மட்டுமே இப்படிப் பட்ட அறிவுப்புக்களை செய்வார்கள். அவர்கள், குழ்ந்தைகளுக்கு இடையில் குழந்தையாக, ஆண்களிடையில் ஆணாக, பெண்களிடையில் பெண்ணாக இருந்து ஒவ்வொருவரின் சுக துக்கங்களுக்கு பதிலளித்து, ஆறுதல் கூறி, அவர்களது சோர்ந்திருக்கும் இதயங்களில் தன்னம்பிக்கை மற்றும் தைரியத்தை ஊட்டுவார்கள்.அவதார புருஷர்கள் மனிதர்களிடையே தோன்றுகிறார்கள் ஏனெனில்,பறவைகள்,மிருகங்கள் மற்றும் மரங்கள் இயற்கைக்கு மாறான வழிகளில் செல்வதில்லை. தாங்கள் இந்த பூமிக்கு வந்த பணியை மறந்து, மனிதர்கள் மட்டுமே உலகியலான சுகங்கள் மற்றும் புலனின்பங்கள் என்ற கானல் நீரை நாடுகிறார்கள்.இறைவன், தர்மத்தை நிலை நாட்டுவதற்காகவும், உங்களை நல்லொழுக்கம் மற்றும் ஞானத்தின் பாதையில் திரும்ப இட்டுச் செல்வதற்காகவும் மட்டுமே மனித உருவை ஏற்கிறான் எனவே, இறைவன் தர்மத்தைக் கைவிடாது பற்றி இருப்பதால் மகிழ்ச்சி அடைகிறான். தர்மத்தைக் கடைப்பிடியுங்கள்; அது உங்களது வாழ்வின் ஒவ்வொரு தருணத்தையும் ஆனந்தம் மற்றும் தன்னை உணர்தலின் சந்தோஷத்தால் நிரப்பும். இறைவன் எங்கும் நிறைந்தவன். அவன் ஸர்வ வல்லமையும் படைத்தவன். அவன் அனைத்தையும காண்பவன். அவன் ஒவ்வொரு இதயத்திலும் வீற்றிருந்து ஒவ்வொரு வேதனையையும், பிரார்த்தனையையும் கேட்கிறான், இறைவன் பால் நம்பிக்கை வையுங்கள்.