உங்களது ஆத்ம ஜோதி அஹங்காரத்தால் மறைக்கப் படுகிறது.எனவே, அஹங்காரம் அழிக்கப் படும்போது,அனைத்து துன்பங்களும் முடிவடைந்து, அனைத்து அதிருப்திகளும் மறைந்து, பேரானந்தம் கிட்டுகிறது.எவ்வாறு மூடுபனி, சூரியனை மறைக்கிறதோ அவ்வாறே அஹங்கார உணர்வு, சாஸ்வதமான பேரானந்தத்தை மறைத்து விடுகிறது. கண்கள் திறந்திருந்தாலும் கூட, ஒரு துண்டுத் துணியோ அல்லது சிறு அட்டையோ கூட, பார்வை, திறனுடனும், பலனளிக்கும் வகையிலும் செயல்படுவதை தடுத்த விட முடியும். அதைப் போலவே, உண்மையில், எதை விடவும் மிக அருகாமையில் உள்ள இறைவனை, சுயநலம் என்னும் திரை பார்க்க விடாமல் தடுத்து விடுகிறது. சத்யம், கனிவு, அன்பு, பொறுமை, சகிப்புத் தன்மை மற்றும் நன்றியுணர்வு போன்ற குணநலன்களை வளர்த்துக் கொள்ளுங்கள்.சூரியோதயம் ஆனவுடன் மறைந்து விடும் இருளைப் போல,இந்த குணநலன்கள் உறையும் இடத்தில், அஹங்காரம் ஜீவித்திருக்க முடியாது. பல ஆன்மீக சாதகர்கள்,முனிவர்கள் மற்றும் சன்யாசிகள், எண்ணற்ற வருடங்களில் செய்த கடும் உழைப்பு மற்றும் தியாகங்களால் பெறப்பட்ட அனைத்து மேன்மைகளையும், இந்த உடல் பற்றின் காரணமாக,கை நழுவ விட்டிருக்கிறார்கள். இறையானுபவம் என்ற பேரானந்தம் அற்ற சக்தி, ஒரு அஸ்திவாரம் இல்லாத ஒரு சுவரைப் போன்றதே.