கி.பி.1469 ல் பிறந்த சீக்கியர்களின் முதல் குருவான, ஸ்ரீகுரு நானக், அனைவரும் சேர்ந்து பாடும் பஜனை எனும் இறை நாம சங்கீர்த்தனத்தை ஆரம்பித்து வைத்தார்.பின்னர் தொடந்த வருடங்களில், இது வேகம் பெற்றது; 1700 வருடங்களில், இறை இசை வல்லுநரான பக்த தியாகராஜர், பஜன்களில் ராகம் மற்றும் தாளத்தை இணைத்தார்.அதிலிருந்து பஜனைகள் இந்தியாவின் அனைத்து பாகங்களிலும் ஒரு தேசீய முக்கியத்துவம் பெற்றது. அனைத்து முக்கிய மதங்களும் கூட, தனி மனித மற்றும் உலகின் நலனுக்காக, கூட்டு சமூக பிரார்த்தனையை வலியுத்துகின்றன.பஜனைகள், அதில் பங்கேற்பவர்களின் உணர்வுகள், பாடுதல் மற்றும் தாளங்களை ஒன்றிணைத்து, அவர்கள் இறைவனோடு ஒன்றரக் கலக்கும் உணர்வினை அனுபவிக்கச் செய்வதற்காக ஏற்பட்டவை. பஜனைகளில் , பக்திக்கே முன் முதல் முக்கியத்துவம் அளித்தல் வேண்டும். இப்படிப் பட்ட பஜனைகள் ஆன்மீக நற்பலனை அளிக்க வல்லவை. எனவே, உங்களது பாடல்கள் அன்பில் தோய்ந்திருக்கட்டும்; இறைவன் பால் கொண்டுள்ள ஆழ்ந்த அன்பு மற்றும் தூய பக்தி, பாடப்படும் ஒவ்வொரு பாடலின் மூலமும் பாய்ந்தோடட்டும்.