நரக சதுர்த்தசி ( தீபாவளி ), உங்களுக்கு,குணநலன்கள் விதியை எவ்வாறு முடிவு செய்கின்றன,வெற்றிகளை எவ்வாறு வடிவமைக்கின்றன, மேலும் ஒருவரை எவ்வாறு தெய்வீகமானவர் அல்லது அரக்க குணமுடையவர் என வரையறுக்கின்றன,என்பதை போதிக்கிறது ! சோம்பேறித்தனம் என்பது ஒரு மனிதனை ஆக்ரமித்து,செயலிழக்கச் செய்யும் ஒரு அரக்கனாகும். அதன் சகோதரனே வன்மம். அதனோடு கோபத்தையும் சேர்த்து விட்டால், அது ஒருவரை முழுமையாக செயலிழக்கச் செய்து விடும்!கோபம் உங்களது நரம்புகளை பலஹீனப் படுத்தி, இரத்தத்தை சூடேற்றி, அதன் தன்மையையே மாற்றி விடுகிறது. ஆக்ரோஷத்தின் ஒரு சாதாரண வெளிப்பாடு, மூன்று மாதங்களில் சேகரித்த சக்தியை, விழுங்கி விடுகிறது ! பகவான், நரகாசுரனது நாட்டின் மீது விடாது படை எடுத்துச் சென்று, அவனை ஆக்ரோஷத்தால் திரும்பத் திரும்ப வெடித்துச் சிதறுமாறு செய்தார்! அவனது எதிர்ப்பு சக்தி இவ்வாறு முறியடிக்கப் பட்டது.பகவானின் யுத்த தந்திரத்திலிருந்து கற்றுக் கொள்ளுங்கள்.இன்றைய தீபாவளி நாளில் மக்கள் புத்தாடைகளை உடுத்திக் கொள்கிறார்கள். உங்களது இதயங்களும், புதிய எண்ணங்கள், உணர்வுகள் மற்றும் ஸங்கல்பங்கள் என்ற ஆடைகளை அணிந்து கொண்டு, குதூகலமாக இருக்கட்டும். இன்றிலிருந்து நற்குணங்கள் என்ற இனிப்புகளை சுவைத்து, உங்களது வாழ்க்கைகளை, அன்பின் இனிய கீதங்களாக வடிவமையுங்கள்.