மேலோட்டமாகப் பார்க்கும் ஒருவருக்கு வாழ்க்கை என்பது, உண்டு, உறிஞ்சி, உழைத்து, உறங்குவதிலிலேயே சுழன்று கொண்டிருக்கும் ஒன்றாகத் தோன்றலாம்.ஆனால் உண்மையில் வாழ்க்கைக்கு ஒரு ஆழ்ந்த அர்த்தம் உண்டு.வாழ்க்கை ஒரு யக்ஞத்தைப் போன்றதாகும்.ஒவ்வொரு சிறு சிறு செயலும், இறைவனுக்கு அர்ப்பணிக்கப் படும் நைவேத்யமாகும்.உங்களது பகல் நேரங்கள் இப்படிப் பட்ட அர்ப்பணிப்பு உணர்வுடன் ஆற்றப் படும் செயல்களில் கழிக்கப் படுமானால், உங்களது உறக்கம் சமாதி நிலையை ஒத்ததாக இருக்கும் !பெரும்பாலான மனிதர்கள் தங்களை உடலுடன் இனம் கண்டு கொள்ளும் மாபெரும் தவறைச் செய்து, அதன் பராமரிப்பு மற்றும் சௌகரியங்களுக்காக பலவிதமான பொருட்களைச் சேகரித்துக் கொள்கிறார்கள். எப்போது உடல், முதுமையின் காரணமாக பலஹீனமாகவும், தளர்ந்தும் ஆகி விடுகிறதோ, அப்போதும் கூட,அவர்கள் அதை ஏதாவது வகையில் தூக்கி நிறுத்த முயல்கிறார்கள். எவ்வளவு காலம் தான் இறப்பை ஒத்தி வைக்க முடியும்? யமராஜனின் அழைப்பு வந்து விட்டால், அனைவரும் செல்லத் தான் வேண்டும். பதவி, பெருமை, அதிகாரம் எல்லாம் இறப்பின் முன் மறைந்தோடி விடும். நீங்கள் இந்த உடல் அல்ல என்பதை நினைவில் கொள்ளுங்கள் ! இது நீங்கள் அனைவருக்கும் சேவை செய்வதற்கான வாஹனமே. இதை உணர்ந்து, உடல்,மனம் மற்றும் ஆத்ம சுத்தியோடு , அல்லும் பகலும், பரப்ரம்மத்தை உணர பாடுபடுங்கள்.