சிலர் இது கலியுகமாக இருப்பதால், பொய்மையே வெல்லும் என சாதிக்கிறார்கள், இல்லை!பலவாறாக இப்படித் தோற்றமளித்தாலும், நேர்மையே சரியான வழி ஆகும். ஒரு பொய்யை மறைக்க நூறு பொய்கள் அவசியமாகிறது; ஆனால் உண்மையைப் பேசுவதே சுலபமானதும், எளிதானதும், பத்திரமானதும் ஆகும். உங்களது கூற்றின் படி நீங்கள் இருங்கள்; நீங்கள் செய்ய விரும்புவதையே பேசுங்கள்; நீங்கள் அனுபவித்ததை மட்டுமே சொல்லுங்கள், அதிகமாகவும் அல்ல, குறைத்தும் அல்ல. பொய்யான ஒரு நிலையை எடுப்பது மிகவும் கடினமான ஒன்றே;அதே சமயம் நேர்மையாகவும், நியாயமாகவும் இருப்பதே எப்போதும் பாதுகாப்பானதாகும். முதன் முதலில் பொய்மையாக ஒரு படி எடுத்து வைத்து விட்டு, அதற்கு மேலும் மேலும் சென்று அழிவைத் தேடிக் கொள்ளாதீர்கள். சத்தியமே ஒருவரது உண்மையான இயல்பு; நீங்கள் நீங்களாகவே இருக்கும் போது, உங்களுள் இருந்து ஒரு சந்தோஷம் அலையாக ஊற்றெடுக்கும். உங்களையே நீங்கள் மறுத்து, ஏமாற்றிக் கொண்டால்,அவமானம் உங்கள் மனதை இருட்டாக்கி, அச்சத்தை ஏற்படுத்தி விடும்.ரஜோமய குணங்களான காமம், பேராசை, த்வேஷம் மற்றும் அகந்தையின் காரணமாக நீங்கள் பொய்மையின் பாதையில் செல்கிறீர்கள். திருப்தி,பணிவு மற்றும் பற்றின்மை ஆகியவை உங்களை சத்தியத்தின் பாதையில் வைத்திருக்கும்.