ஒரு அப்பழுக்கற்ற குணநலனை உருவாக்கும் பண்புகளில், அன்பு,பொறுமை, சகிப்புத் தன்மை, மன உறுதி மற்றும் தான குணம் ஆகியவையே மிக உயர்ந்தவையும், சீரியவையும் ஆகும்.நாம் தினமும் ஈடுபடும் நூற்றுக் கணக்கான, சின்னச் சின்ன செயல்கள் பழக்கங்களாக நிலை கொண்டு விடுகின்றன; இந்தப் பழக்கங்கள் நமது புத்தியை வடிவமைத்து, நமது தொலைநோக்கு மற்றும் வாழ்க்கையை உருவாக்குகின்றன. ஒருவரது தற்காலம் அவரது கடந்த காலத்தின் விளைவு மற்றும் அந்த நீண்ட காலகட்டத்தில் ஏற்பட்ட பழக்கங்களே அன்றி வேறில்லை.ஆனால் ஒருவர் பெற்றுள்ள குணநலனின் தன்மை எப்படிப் பட்டதாக இருந்தாலும், அதை கண்டிப்பாக திருத்தி அமைக்க முடியும். எவருடைய கொடிய தன்மையும் மாற்ற முடியாத ஒன்றல்ல.கொள்ளைக்காரனான அங்குலிமால் பகவான் புத்தரால் ஒரு கனிவான இதயம் கொண்டவனாக மாறவில்லையா? திருடனாக இருந்த ரத்னாகர், வால்மீகி முனிவராக ஆகவில்லையா? முழு முயற்சியின் மூலம், பழக்கங்களை மாற்றி, குணநலனை சீராக்க முடியும். மனிதர்களுக்கு, அவர்களுக்குள்ளேயே, தங்களது கொடிய தன்மைகளை எதிர் கொண்டு, அவர்களது பழக்க வழக்கங்களை மாற்றிக் கொள்வதற்கான, திறன் உள்ளது. தன்னலமற்ற சேவை, வைராக்யம்,பக்தி மற்றும் பிரார்த்தனைகளின் மூலம், மனிதர்களை இந்த உலகோடு பிணைத்திடும் பழக்கங்களைக் கைவிடச் செய்து, அவர்களை தெய்வீகப் பாதையில் இட்டுச் செல்லும் புதிய பழக்கங்கள், அவர்களிடம் உருவாகுமாறு செய்ய முடியும்.