இன்று மனிதர்கள் தங்களது அரிய வாழ்க்கையின் பெரும்பாலான பகுதியை, அற்பமான வீண் பேச்சுக்களிலும்,வன்முறை மற்றும் கொடூரமான காட்சிகளைக் காண்பதிலும் வீணடித்துக் கொண்டு இருக்கிறார்கள். பலர், சேவை ஆற்றுவதால் புனிதமாக்கப் படும் நேரம், அதை ஆற்றுபவர்களுக்கும், அவர்களால் சேவை ஆற்றப் படுபவர்களுக்கும் மிக உயர்ந்த பலன்களை அளிக்கிறது என்பதை அறியாதவர்களாக இருக்கிறார்கள். அனைத்து விதமான சேவைப் பணிகளும் புனிதத்துவத்தில் சமமாகவோ அல்லது அவை அளிக்கும் பலன்களில் ஒரே விதமாகவோ இருப்பதில்லை. எப்போது சேவை பதவி வெறி பிடித்தவர்களால் அல்லது கட்டாயத்தினால் அல்லது போலியான உந்துதல்களினால் செய்யப் படுகிறதோ அவை நல்லவற்றை விட, தீமையையே அதிகம் ஏற்படுத்துகின்றன. ஒரு உளமார்ந்த சேவை ஆற்றுபவர், அஹங்காரம், ஆடம்பரம் மற்றும் அபிமானத்தைத் தவிர்க்க வேண்டும்.ஒரு சேவைத் திட்டத்தை ஆரம்பிப்பதற்கு முன், உங்கள் இதயம் தன்னலமற்ற அன்பு,பணிவு மற்றும் பரிவு ஆகியவற்றால் நிரம்பி உள்ளதா, உங்கள் மூளை, பிரச்சினையைப் பற்றிய புத்திசாலித்தனமான அறிவு மற்றும் அதற்கான தீர்வால் நிரம்பி உள்ளதா, உங்கள் கரங்கள் இதமளிக்கும் உதவியைத் தர தயாராக இருக்கின்றனவா, மிகவும் மோசமான நிலையில் இருப்பவர்களுக்கு உதவி செய்வதற்கான சக்தி, திறன் மேலும் தேவையான நேரம் ஆகியவற்றை ஒதுக்கி அதை சந்தோஷமாக பகிர்ந்து கொள்ள நீங்கள் சித்தமாக இருக்கிறீர்களா என்பவற்றை எல்லாம், நீங்கள் சிந்தித்து, ஆய்வு செய்ய வேண்டும்.