இந்நாளில், எல்லா நிலைகளிலும் - தனிமனிதர்,குடும்பம்,சமூகம் மற்றும் சமுதாயத்தில் மேலும் வாழ்வின் எல்லாத் துறைகளிலும்-பொருளாதாரம், அரசியல் ஏன் ஆன்மீகத்தில் கூட- நல்லொழுக்கம் என்பது அரிதானதாக ஆகிக் கொண்டு வருகிறது.நல்லொழுக்கத்தை சேர்த்துக் கொண்டு, அவற்றைப் பாதுகாப்பதற்காக வாழ்நாளைச் செலவழிக்க வேண்டுமே அன்றி, செல்வங்களுக்காக அல்ல.பண்டைய காலத்தின் ஆன்மீக மாவீரர்களின் வரலாறுகளை அவர்களது இலட்சியங்கள் உங்கள் இதயத்தில் பதியும் பொருட்டு, அவற்றைக் கேட்டு, அவற்றைப் பற்றிச் சிந்திக்க வேண்டும். நல்லொழுக்கம் வளர்வதற்குத் தேவையான மண் வளமான கட்டுப்பாடும் வீழ்ச்சி அடைந்துள்ளது.ஒருவரது அந்தஸ்து,பொருளாதார நிலைமை அல்லது ஆன்மீக முன்னேற்றம் எப்படிப் பட்டதாக இருந்தாலும் ஒவ்வொருவருக்கும் மரியாதை செலுத்த வேண்டும்; இல்லை எனில்,வாழ்க்கையில் சாந்தி, சந்தோஷங்கள் இருக்காது. உங்களுள் உள்ள அதே ஆத்மாதான், மற்றவர் என்ற பாத்திரத்தை ஏற்று நடிக்கிறது என்ற நம்பிக்கை மட்டுமே இத்தகைய மரியாதையை உங்கள் மனதில் எழச் செய்ய முடியும்.தெய்வீகமான ஆத்மாவை மற்றவருள்ளும் காணுங்கள்;மற்றவர்களுக்கும் உங்களைப் போலவே,பசி, தாகம், விருப்பங்கள் மற்றும் ஆசைகள் உண்டு என்பதை உணர்ந்து, அவர்கள் மீது பரிவையும், ஒவ்வொருவருக்கும் பயன்படுபவர்களாகவும்,அவர்களுக்கு சேவை ஆற்ற வேண்டும் என்ற தாபத்தையும் வளர்த்துக் கொள்ளுங்கள்.