எப்போது ஒருவரது மனம் வாழ்க்கையின் ஏற்றத் தாழ்வுகளில் பற்றற்று இருந்து, அதே சமயம் அவர் எல்லா சந்தர்ப்பங்களிலும் சமச்சீரான மன நிலையோடு இருக்க முடியுமானால், உடல் ஆரோக்கியம் கூட உறுதி செய்யப் படுகிறது. எவ்வாறு ஆகாயம், தன் மீது செல்லும் பறவைகள் அல்லது விமானங்கள் அல்லது மேகங்களால் எந்த வித பாதிப்பும் இன்றி இருக்கிறதோ, ஒருவரது மனப்பாங்கும் அவ்வாறு இருக்க வேண்டும். வியாதி என்பது உடலை விட, மனதின் போஷாக்கின்மையினாலேயே அதிகம் ஏற்படுகிறது. டாக்டர்கள் வைட்டமின் குறைபாட்டைப் பற்றிப் பேசுகிறார்கள்; நான் இதை வைட்டமின் "G " (GOD) யின் குறைபாடு என்பேன்; இதற்கு நான் இறை நமஸ்மரணையுடன் கூடவே, அவனது மகத்துவம் மற்றும் அருளைத் தியானிப்பதை பரிந்துரைக்கிறேன். இந்த வைட்டமின் "G " (GOD)ஏ இப்போது தேவையான மருந்தாகும். முறையான வாழ்க்கையும், பழக்க வழக்கங்களும், மூன்றில் இரண்டு பங்கு சிகிச்சையாக உள்ளன; மருந்துகள் வெறும் மூன்றில் ஒரு பங்கு தான்.நீங்கள் தெய்வீகப் பண்புகளான அன்பு, பணிவு,பற்றின்மை மற்றும் திருப்தியை வெளிப்படுத்த வேண்டும்.இல்லை எனில் நீங்கள் ஒரு மிருகத்தை விட மோசமானவர்களாக, உண்மையில் ஏன் அதை விடவே கொடூரமானவர்களாக கூட ஆகி விடக் கூடும்.