கொடிய வன விலங்குகளைப் பயிலுவிப்பர்களைப் பாருங்கள். அனைத்திலும் மிகவும் ஆக்ரோஷமான விலங்கான புலியை அவர்கள் ஒரு பூனையைப் போல சர்க்கஸ் வளாகத்தில் கொண்டு வந்து, ஒரு நெருப்பு வளையத்தின் உள்ளே பாயவும்,ஒரு தட்டிலிருந்து பாலைக் குடிக்கவும்,ஒரு நாற்காலியில் ஒரு ஆட்டுக் குட்டிக்கு எதிராக உட்காரவும் செய்கிறார்கள் ! அதை ஒரு சாதுவான பொம்மையாக ஆவதற்குப் பழக்கி விடுகிறார்கள். கொடூரமான ஒரு புலியையே அடக்க முடியும் என்றால், உங்களது மனதில் உறையும் கொடூரமானவற்றை உங்களால் வெல்ல முடியாதா? உங்களால் முடியும்! ஆதி பராசக்தியின் வெற்றியைக் கொண்டாடும் இந்த நேரத்தில், இந்த அறிவுரையைத் தான் நீங்கள் உணர வேண்டும் ! இந்நாளில் தான், அணுவிலும், அண்டத்திலும் உறையும் பாரசக்தியானவள், தீயவர்களான அசுரர்களை சம்ஹாரம் செய்தாள். உங்களுள் மறைந்து இருக்கும் அதே ஆன்மீக சக்தியான குண்டலினி சக்தியைத் தட்டி எழுப்பினால், அது உங்கள் மனதினில் உள்ள தீய இயல்புகளை அழித்து விடும்; எனவே, முறையான ஆன்மீக சாதனையின் மூலம் இறைவன் உங்களுக்கு அளித்துள்ள உள்ளார்ந்த சக்திகளைக் கொண்டு, உங்களை நீங்களே ஒரு தூய்மையான மற்றும் ஆனந்தகரமான நிலைக்கு உயர்த்திக் கொள்ளுங்கள்.