மனிதர்கள் நல்ல ஆன்மீகக் கர்மாக்களைச் செய்யுமாறு கூறப்படும் போது, ஆரம்பத்தில் எவருக்கும் உளமார்ந்த உற்சாகம் இருப்பதில்லை. இருந்தாலும் மனச்சோர்வு கொண்டு விட்டு விடாதீர்கள். அதில் ஆர்வம் தோன்றும் வரை கட்டுப்பாடுகளைக் கண்டிப்பாகக் கடைப்பிடியுங்கள். இந்த ஆர்வம் என்பது பயிற்சியினால் வரும் பலனே. எவருக்கும் ஆரம்பத்திலிருந்தே இது இருப்பதில்லை, ஆனால் தொடர்ந்த பயிற்சி, ஆர்வத்தை உண்டாக்கி விடும். பச்சைக் குழந்தைக்குப் பாலின் ருசி தெரியாது.தினந்தோறும் பாலைக் குடிப்பதன் மூலம் அதற்கு அது பிடிக்க ஆரம்பிக்கிறது;உண்மையில், அந்தச் சுவை எவ்வளவு விருப்பமானதாக ஆகி விடுகிறது என்றால், எப்போது பாலுக்குப் பதிலாக சாதம் கொடுக்கப் படும்போது, பாலை விட்டு விட வேண்டி வருகிறதோ, அப்போது அது, அதை எதிர்க்க ஆரம்பிக்கிறது.அதனால் ஒரு தாய் சோர்ந்து விடுவதில்லை.அவள் குழந்தையை சிறிய அளவில் சாதத்தை தினந்தோறும் எடுத்துக் கொள்ளச் சம்மதிக்க வைக்கிறாள்; சில காலத்தில் குழந்தைக்கு சாதம் பிடிக்க ஆரம்பித்து, இறுதியில் அது, பாலை விட்டு விடுகிறது. அதற்கு இயற்கையான உணவான பாலுக்குப் பதிலாக இப்போது சாதம் ஒரு இயல்பான வழியில் மாற்றப் படுகிறது. பார்த்தால்,ஒரு நாளைக்காவது சாதம் இல்லை என்றால், அந்தக் குழந்தை துக்கமடைகிறது. அதைப் போலவே, தொடர்ந்த பயிற்சியினால், உலகியலான புலனின்பம் தரும் பொருட்களின் மீதான ஆசை குறைந்து, ஸத்ஸங்கம் முக்கியமானதாகி விடும்.