சாதாரணமாக,மனிதர்கள் புலனின்பம் தரும் பொருட்களால் ஈர்க்கப் படுகிறார்கள்; ஏனெனில் அவர்கள் உள்ளுணர்வுகளால் பாதிக்கப் பட்டவர்கள். உள்ளுணர்வுகள் எளிதாக புலனின்பம் தரும் பொருட்களை நாடுகின்றன - அவை உடலோடு வருபவை மேலும் எந்த விதமான பயிற்சியாலும் பெறப்பட்டவை அல்ல.பச்சிளம் குழந்தை தாயின் மார்பிலிருந்து பாலை நாடுகிறது;இளம் கன்றுக் குட்டி இயற்கையாகவே தாய்ப்பசுவின் மடியோடு உறவாடுகிறது.ஆனால் ஒரு குழந்தை நடப்பதற்கோ அல்லது பேசுவதற்கோ சில பயிற்சிகள் அவசியமாகின்றன,ஏனெனில் இந்த செயல்கள் சமுதாயத்தால் உந்தப் படுகின்றன அல்லது உதாரணத்தால் கற்றுக் கொள்ளப்படுகின்றன அல்லது பிறரைப் பின்பற்றுவதால் தெரிந்து கொள்ளப் படுகின்றன. புலனின்பங்களை முறையாக நாடுவதற்கும் பயிற்சி தேவையாகிறது; ஏனெனில், இப்படிப் பட்ட இன்பங்ளை,கண் மூடித்தனமான பயிற்சியற்ற முறையில் நாடுவது கோபம்,வெறுப்பு, பொறாமை,த்வேஷம் மற்றும் வன்மைத்தை வளர்க்கின்றன. எனவே, புலன்களை ஆரோக்கியமான வழிகளில் இட்டுச் சென்று, அவற்றைக் கட்டுப் பாட்டில் வைத்துக் கொள்வதற்கு, சில நல்ல பயிற்சிகளான ஜபம், தியானம்,உபவாஸம், காலையும் மாலையும் பிரார்த்தனை போன்றவை அத்தியாவசியமாகின்றன. புலனின்பங்கள் ஆரம்பத்தில் இயற்கையாகத் தோன்றினாலும், இடையறாத கடைப்பிடிப்பு, பயிற்சி மற்றும் ஆன்றோர்களின் சொற்பொழிவுகளைக் கேட்பது போன்றவற்றால்,மெதுவாக, இறை ஆராதனையால் கிடைக்கும் தலை சிறந்த மற்றும் நிரந்தரமான ஆனந்தத்தை புரிந்து கொள்ள முடியும்.