மனிதர்கள், ஜெபம் செய்வதற்கான மந்திரங்களை உபதேசம் பெறுவதற்காக குருக்களை நாடுகிறார்கள்; மற்றவர்கள் புனித சாதுக்களையும், ஜோசியர்களையும், கெட்ட ஆவிகளைத் தடுக்கும் யந்திரங்களைப் பெறுவதற்காக நாடுகிறார்கள்; மேலும் சிலர்,அமானுஷ்யமான சக்திகளைத் தரும் தந்நிரங்களைக் கற்றுக் கொள்வதற்காக பண்டிதர்களை நாடுகிறார்கள். ஆனால், இவை அனைத்தும் வீணான முயற்சியே.ஒருவர் தனது உடலையே தந்திரமாகவும், தனது மூச்சையே மந்திரமாகவும், இதயத்தையே யந்திரமாகவும் ஏற்றுக் கொள்ள வேண்டும்.அவற்றை தங்களுக்கு வெளியில் தேட வேண்டிய அவசியமில்லை.உங்களிடமிருந்து வெளிப்படும் அனைத்து வார்த்தைகளும் எப்போது இனிமையாக இருக்கிறதோ, உங்களது மூச்சே ரிக் வேதமாகி விடுகிறது. எப்போது நீங்கள் எதைக் கேட்கிறீர்கள் என்பதைக் கட்டுப் படுத்தி, இனிமையான பேச்சையே விரும்புகிறீர்களோ, நீங்கள் கேட்கும் அனைத்தும் சாம கானமாகி விடுகிறது. நீங்கள் எப்போது இனிமையான செயல்களை மட்டுமே ஆற்றுகிறீர்களோ,நீங்கள் செய்யும் அனைத்தும் யஜூர் ஹோமம் ஆகி விடுகிறது. பின்னர் , நீங்கள் ஒவ்வொரு நாளும், மிகச் சீரிய மற்றும் தலை சிறந்த வேதத்தின் சாரத்தை திருப்தி செய்யும், வேத புருஷ யக்ஞத்தை செய்து கொண்டு இருப்பீர்கள்.