எப்போதும் உங்கள் பார்வையை ஆகாயத்தை நோக்கி வைத்துக் கொண்டு, தரையே தெரியவில்லையே என்று ஏன் குறை கூறுகிறீர்கள் ? பூமியையும், ஆகாயத்தையே பிரதிபலிக்கும் பரந்த நீர்ப்பரப்பையும் பாருங்கள் - பின்னர் மேல் இருக்கும் ஆகாயத்தையும், கீழே இருக்கும் பூமியையும் ஒரே சமயத்தில் காண்பீர்கள். அதைப் போலவே,சத்ய-தர்மத்தின் சட்டங்களைப் பற்றி ஒழுகுவதற்கு நீங்கள், உங்களது ஒவ்வொரு செயலிலும் தெய்வீகத்தின் (ஆத்மாவின்) மகத்தான பிரதிபலிப்பைக் கட்டாயம் காண வேண்டும்; பின்னர் இறைவன் மீதான இந்தப் பற்றுதல், உலகின் மீதான உங்களது பற்றுதலை ஒரு தூய்மையான அர்ப்பணிப்பாக மாற்றி விடும். சத்தியம் எனும் சட்டத்தைப் பற்றி ஒழுகுவதே, உண்மையில் உள்ளுறையும் ஆத்ம தத்துவத்தைக் கடைப்பிடிப்பதாகும். தூய்மையின் குறிக்கோளை மாற்றவோ அல்லது தாழ்த்தவோ கூடாது; அத்தியாவசிமானவைகளை அப்படியே பராமரிக்க வேண்டும். தர்மம், அதைப் பின்பற்றுவதில் உள்ள பல விதமான நாம, ரூபங்களைச் சார்ந்திருப்பதில்லை; அவை அவ்வளவு அடிப்படையானவையும் அல்ல. தர்மம் பெரும்பாலும் , உங்களது ஒவ்வொரு செயலையும் வழிநடத்தி, வரையறுக்கும் உந்துதல்கள் மற்றும் உணர்வுகளைப் பொறுத்ததாகும்.