நீங்கள் தேவையில்லாமல், கஷ்டப்பட்டு பல திட்டங்களைத் தீட்டி,இரவும் பகலும் அவற்றையே நினைத்துக் கொண்டு இருக்கிறீர்கள்.உங்களது போராட்டங்களையும் மீறி, உங்கள் கைகளை விட்டு எவை போக வேண்டுமோ, அவை போகத்தான் செய்யும்.இந்த உடல் ஒரு நீர்க்குமிழி போன்றது. மனமோ ஒரு பித்துப் பிடித்த குரங்கைப் போன்றது.நீங்கள் இந்தப் பித்துப் பிடித்த குரங்கைப் பின்பற்றினால்,துன்பத்தில் சிக்கிக் கொள்வீர்கள். இதைப் போலவே, நீங்கள் இந்த உடலை நம்பினால், ஒரு நீர்க்குமிழியைப் போன்ற இந்த உடல் எப்போது வெடித்துச் சிதறி விடும் என்று நீங்கள் அறிய மாட்டீர்கள்.எதுவுமே நிரந்தரமானதல்ல. ஆத்மா மட்டுமே நிரந்தரமானதும், அமரத்துவமானதும் ஆகும். '' நான்'', ''ஆத்மா '' மற்றும் '' இறைவன்'' , என்ற பல நாமங்களில் ஆத்மஸ்வரூபம் அழைக்கப் படுகிறது. இறைவன் ஸ்ரீராமர், ஸ்ரீகிருஷ்ணர் மேலும் அதைப் போன்ற பலவாறாக அவதாரம் எடுத்து, பல கஷ்டங்களை அனுபவித்து, தலை சிறந்த இலட்சியங்களை எடுத்துக் காட்டி உள்ளான்.இறுதியில் அவர்களும் இந்த அழியும் உடலை விட்டுத் தான் சென்றார்கள். அவதாரங்களின் பௌதீகமான உடல் மாற்றங்களை அடையலாம், ஆனால் அவர்களில் உள்ள தெய்வீக ஆத்மா ஒரே மாதிரியாகவே இருக்கிறது. அது அங்கிங்கெனாதபடி எங்கும் நிறைந்தது,நிரந்தரமானது, மாற்றமே இல்லாதது. அனைத்து மனிதர்கள் உள்ளும் உறையும் தெய்வீகம் ஒன்றே.