வேறு எவரும் உங்களைப் பந்தப் படுத்த முடியாது ; நீங்களே உங்களை அவ்வாறு செய்து கொள்கிறீர்கள் !தர்மத்தின் பாதையிலிருந்து விலகுவதால், நீங்களே பந்தத்தில் கட்டுண்டு இருப்பதைத் தேர்ந்து எடுக்கிறீர்கள். இறைவன் அங்கிங்கெனாதபடி எங்கும் உறைகிறான் என்பது உங்களுள் ஆழமாகப் பதிந்து இருக்குமானால்,அவன் உங்களுள்ளும் உறைகிறான் என்பதை உணர்ந்து, நீங்கள் சுதந்திரமாக இருப்பதைத் தேர்ந்தெடுப்பீர்கள். அந்த நம்பிக்கை வளர்வதற்கு,நீங்கள் ஆத்மானந்தத்தை உறுதியாகப் புரிந்து கொள்ள வேண்டும். ஆத்ம சத்தியமே அடித்தளம், அதுவே மறுக்க முடியாத ஞானமும் ( நிஸ்சித ஞானம் ) ஆகும். இந்த அஸ்திவாரம் இல்லை எனில், நீங்கள் எளிதாக சந்தேகம், விரக்தி மற்றும் மாயைக்கு இலக்காகி விடுவீர்கள்.எனவே, முதன் முதலில் சுதந்திரமாக இருக்கப் பாடுபடுங்கள்.அதாவது, வெற்றிகரமான வாழ்க்கைக்கான முதல் தேவையாக, உங்களது தனித்தன்மையின் உட்கருவாக தர்மம் இருக்க வேண்டும் என்பதில் நம்பிக்கையை வளர்த்துக் கொள்ளுங்கள்; பின்னர் அதை இறங்கி அடைவதற்குத் தேவையான கட்டுப் பாட்டைக் கற்றுத் தேர்ந்து கடைப் பிடியுங்கள். எப்போது அந்தத் தகுதியை நீங்கள் பெறுகிறீர்களோ, விதிக்கப் பட்ட தர்மத்தைப் பின்பற்றி உலகியலான பணிகளில்,நீங்கள் ஈடுபடலாம். இவ்வாறு நீங்கள் , ஒரு தர்ம புருஷராக உங்களையே மாற்றிக் கொள்கிறீர்கள்.