உங்கள் கண்கள் காண்பவை,உங்கள் மனதை நடத்துபவை,உங்கள் உடலை தட்டி எழுப்புபவை,உங்கள் வாழ்க்கையை உருவாக்குபவை எல்லாமே உங்களைச் சுற்றியுள்ள சிருஷ்ட்டி தான். '' கோபாலன் '' பசுக்களை மேய்ப்பதில், அவற்றை கவனிப்பதில் மற்றும் அவற்றைப் பேணுவதில் ;நன்கு தேர்ந்தவன். '' கோ'' என்ற வார்த்தை பசு,பூமி,புலன்கள்,சொர்க்கம், சொல் போன்றவற்றைக் குறிக்கிறது.எனவே, கோபாலன் உங்களை ஆடிப் பாடி மகிழ்விக்கக் கூடியவன்.அவன் உங்களையும், எல்லோரையும் இயங்க வைக்க முடியும். அவன் உங்களைக் காத்து, மகிழ்விக்க முடியும்.இதுவே தெய்வீக அவதாரமான '' கோபாலனின்'' அம்சம்.சிருஷ்ட்டி மற்றும் சிருஷ்ட்டி கர்த்தாவின் செயல்பாடு நிரந்தரமானது; அது என்றைக்கும் நிகழ்ந்து கொண்டே இருக்கும்.சூழ்நிலைகள் மாறலாம், காலங்கள் மாறலாம் ஆனால் தெய்வீகம் ஒரு போதும் மாறுவதில்லை. பரமாத்மாவின் மிக முக்கியமான அம்சம், தனது பசுக்களைப் (படைப்பை) பேணிக் காத்து, இறுதியில் அவை , அவனுடன் ஒன்றரக் கலப்பதை உறுதி செய்வதாகும். எனவே, உங்களுள் உள்ள தெய்வீகத்தைப் பேணிக்காக்க உளமார்ந்த முயற்சி செய்து ஆனந்தத்தை அனுபவியுங்கள். உங்களை உயர்த்திக் கொள்ள பாடுபட வேண்டுமே அன்றி ஒரு போதும் உங்களைத் தாழ்த்திக் கொள்ளக் கூடாது.