மனித குலத்தைக் காப்பதற்காக, இறைவன் மிகவும் வசீகரமான ஒரு உருவத்தில் , பக்தர்களின் இதயத்தை அன்பால் ஈர்ப்பதற்காக தோன்றினான். அதனால் தான் அவன் '' ரஸோவை ஸஹ '' ( அதாவது இனிமையே அவன் தான் ) என அழைக்கப் படுகிறான்.பகவான் ஸ்ரீகிருஷ்ணர் தர்மத்தை நிலை நாட்டுவதற்காக அவதரித்தார்.எனவே, அவர் அதிகம் விரும்புவது தர்மத்தையே. தர்மத்தின் பாதையில் செல்லுங்கள்; அதுவே அவனுக்கு திருப்தி அளிக்கும் வழிபாடாகும்.அவனது புல்லாங்குழலே அவனுக்கு மிகவும் பிடித்த ஒன்று. எனவே, ஒரு புல்லாங்குழலைப் போல, வெற்றிடமாகவும் (ஆசைகள் இன்றியும் ),நேராகவும் ( நேர்மையுடனும் ) இருங்கள்; அவன் உங்களை ஏற்றுக் கொள்வான். அவனது சக காலத்தவர்களாக இருப்பதற்குக் கொடுத்து வைத்தவர்களின் இதயங்களில் அவன் எழுப்பிய இதமான இனிமையை எண்ணிப் பாருங்கள் !ஒவ்வொருவரும், படிப்பறிவு இல்லாத இடையர்களிலிருந்து,தலைசிறந்த பண்டிதர்கள் மற்றும் முனிவர்கள் வரை அனைவரும் அவன் பால் ஈர்க்கப் பட்டனர்; அவர்களும், அவனை, அசைக்க முடியாத பக்தியுடன் இறுகப் பற்றிக் கொண்டனர்.கஷ்டங்களும் ,துன்பங்களும் எதுவாக இருந்தாலும், அவனது பாத கமலங்களை அவர்கள் கை விடவே இல்லை. இறைவனை இறுகப் பற்றிக் கொள்ளுங்கள்; அதுவே சாந்தி, சந்தோஷங்களுக்கான வழி.