கல்வியும், புத்தியும் இருந்தும் கூட, ஒரு மூட மனிதன் தனது உண்மையான ஆத்ம நிலையை அறிய மாட்டான்; தீய மனம் கொண்ட ஒருவன் தனது தீய குணங்களை விட மாட்டான்.நவீன காலக் கல்வி வாத விவாதங்களுக்கு வழி வகுக்கிறதே அன்றி, உண்மையான ஞானத்திற்கு அல்ல.உங்களை அமரத்துவத்திற்கு இட்டுச் செல்லவில்லை என்றால், உலகியலான கல்வியைப் பெறுவதால் என்ன பயன்? உங்களை அமரராக்கும் அத்தகைய அறிவைப் பெறுங்கள்.நவீன காலக் கல்வி வாழ்க்கை நடத்துவதற்கான ஒரு சம்பாத்தியத்தைப் பெற மட்டுமே உதவும்.அது வாழ்க்கையை நடத்துவதற்கே அன்றி, வாழ்க்கைக்கானது அல்ல.உண்மையில் இன்று சமுதாயத்தில் நல்லொழுக்கம் வீழ்ச்சி அடைந்துள்ளதற்கு அதுவே பொறுப்பு.பண்டைய காலத்தில் மனிதர்கள் சத்தியத்திற்கும், தர்மத்திற்கும் தலையாய முக்கியத்துவம் அளித்தார்கள்.அவர்கள் தெய்வீக அன்பை தங்களது உயிராகவே கருதினார்கள். பாரதத்தின் பெண்டிர் சத்தியத்திற்காக தங்கள் உயிரையே தியாகம் செய்தார்கள்.பெண்கள் நல்லொழுக்கம் என்ற செல்வத்தை வளர்த்துக் கொண்டு, தங்களது கணவன்மார்கள் மற்றும் குடும்பங்களின் கௌரவத்தைக் காக்க வேண்டும்.ஆண்கள், பெண்கள் என்ற இருபாலரும் நல்லொழுக்கம் படைத்தவர்களாக இருக்க வேண்டும். நல்லொழுக்கம் இன்றி, நீங்கள் கற்பதனைத்தும் வீணே.