சோம்பல் அல்லது மனச்சோர்வுக்கு ஒரு போதும் இடம் தராதீர்கள். இழப்பையும், துக்கத்தையும் சந்தோஷமாக அனுபவியுங்கள் ,ஏனெனில் அவை உங்களது தனித்தன்மையை வலுப்படுத்துகிறது.வைரம் பாறைகளின் நடுவில் காணப்படுகிறது; தங்கக் கூறுகள் உள்ள பாறையை நீங்கள் வெடித்துத் தகர்த்தால் தான் தங்கத்தைப் பெற முடியும். மருந்து சிறந்த பலன் தர வேண்டும் என்றால், மருத்துவர் வற்புறுத்தும் முறையைத் தவறாது பின்பற்றுங்கள். உங்களது, '' காரின்'' , பேட்டரி புட்டபர்த்திக்கோ அல்லது வேறு எந்தப் புனிதத் தலத்திற்கோ சென்றால்,சார்ஜ் ஆகி விடுகிறது.குறைந்த பட்சம் ஒரு தீர்த்த யாத்திரையின் குறிக்கோள் அதுவாகத் தான் இருக்க வேண்டும்.உங்களது ஆன்மீக சாதனையின் பாட்டரியை,சார்ஜ் செய்து கொண்டு, பின்னர் வீடு திரும்பியவுடன் அந்தக் காரைச் சும்மா வைத்திருக்காதீர்கள்.அப்படிச் செய்தால் பாட்டரியின் சார்ஜ் போய் விடும்;காரை எடுத்துக் கொண்டு அதை ஓட்டிக் கொண்டு இருங்கள்; பின்னர் பாட்டரி ,தானாகவே, சார்ஜ் ஆகி விடும்.அதைப் போலவே, நீங்கள் இந்தப் புனிதமான நட்பு வட்டம்,நல்ல மனப்பாங்கு,பஜனைகள் மற்றும் இறை நாமத்தை நினைவு கூறுவது ஆகியவற்றை உங்கள் வாழ்க்கையின் ஒரு அங்கமாகத் தொடராமல் இருந்தால், இந்த சார்ஜ் செய்த அனைத்தும் வீணே.