மிகப் பெரிய வியாதி ( சுகமற்ற நிலைமை) சாந்தியின்மையே; மனம் சாந்தி பெற்றால், உடலும் ஆரோக்கியமாக இருக்கும்.எனவே, நல்ல ஆரோக்கியத்தைப் பெற விழைவோர், அவர்களை ஆட்டுவிக்கும் உணர்வுகள், உணர்ச்சிகள் மற்றும் உந்துதல்களின் மீது கவனம் செலுத்த வேண்டும்.நீங்கள் எவ்வாறு தினமும் துணிகளைத் தொடர்ந்து துவைக்கிறீர்களோ, அவ்வாறே உங்கள் மனதையும் அழுக்கு மற்றும் கசடு இன்றி இருக்க திரும்பத் திரும்பக் கழுவ வேண்டும் ! இல்லை எனில், அழுக்கை சேர விட்டால்,நீங்கள் '' பழக்கத்தை'' ஏற்படுத்தி விட்டால், பிறகு '' கறைகளை'' நீக்குவது கடினமாகி விடும்; அது துணிக்கும் ஆபத்தானது.எனவே, துவைப்பது என்பது தினசரிக் கடமையாகும் ; உங்கள் மனதில் எந்தக் கசடும் படிந்து விடாமல் இருக்குமாறு நீங்கள் பார்த்துக் கொள்ள வேண்டும் ! அதாவது, இந்த அழுக்கைத் தவிர்க்கும் நண்பர்கள் வட்டத்தில் நீங்கள் இருத்தல் வேண்டும்.பொய்மை,அநீதி, ஒழுங்கீனம், கொடுமை, வெறுப்பு - இவையை அழுக்குகள்; சத்யம், தர்மம், சாந்தி, ப்ரேமை - இவையே அழுக்கு நீக்கிகள். நீங்கள் நல்லொழுக்கம் என்ற காற்றை சுவாசித்தீர்களானால், உங்கள் மனம் தீய கிருமிகள் இன்றி இருக்கும்; நீங்கள் மனத்திண்மையும், உடல் வலிமையும் கொண்டவர்களாக இருப்பீர்கள்.