மனதை இறைவன் பால் திருப்புங்கள்;நீங்கள் தெய்வீக ஆனந்தத்தை அனுபவிப்பீர்கள்.இந்தக் காரணத்திற்காகத் தான் சுவாமி அவ்வப்போது நீங்கள் என்ன செய்ய வேண்டும், எதைத் தவிர்க்க வேண்டும் என்பதைப் பற்றி அறிவுரை தருகிறேன்.இவை அனைத்தும் எனக்காக அல்ல, உங்களது நன்மைக்காகவும்,இறைவனை உணர்வதற்கான பாதையில் நீங்கள் செல்வதற்காகவும், பரப்பிரம்மத்தைப் பற்றிய உயர்ந்த சத்தியத்தை உங்களுக்குப் போதிப்பதற்காகவும் மேலும் உங்களது புனிதமான வாழ்க்கையை, இலட்சியமான ஒன்றாக ஆக்குவதற்காகவும் தான்.ஷிரிடி பாபா அவரிடம் வரும் பக்தர்களிடம் இரண்டு ரூபாய் கேட்பது வழக்கம்.இந்த இரண்டு ரூபாய்கள் சிரத்தையையும், பக்தியையும் குறிக்கின்றன. அவர் பக்தர்களிடம் எதிர்பார்த்த இரண்டு குணங்கள் இவையே.இந்த இரண்டும் இணைந்து இருப்பதே ஆன்மீக முன்னேற்றத்திற்கு அத்தியாவசியமானதாகும். அதன் பிறகே ஆனந்தம், ஒரு விதையிலிருந்து எழும் செடி போல வெளிப்படும்.ஒவ்வொரு ஒரு இலட்சிய புருஷராக ஆவதற்கு முயல வேண்டும். இதன் பொருள் ஒவ்வொருவரும் தங்களது தெய்வீகத்தை நிரூபிக்க வேண்டும் என்பதே.இந்த உலகனைத்தும் இந்த தூய்மையான, புடம் போடப்பட்ட, புனிதமான இலட்சியத்தால் நிரம்பி இருக்குமே ஆனால், ஒவ்வொருவரும் எவ்வளவு சந்தோஷமாக இருப்பார்கள் என்பதை கற்பனை செய்து பாருங்கள்.