அன்பே சிவம்.நீங்கள் அனைவரையும் நேசிக்க வேண்டும்.அதிலும், அன்பே அற்றவர்களிடம் கூட உங்கள் அன்பைக் காட்ட வேண்டும்.அன்பு மாலுமியின் திசைகாட்டியைப் போன்றது.அதை நீங்கள் எங்கு வைத்தாலும்,அது இறைவனையே எப்போதும் காட்ட வேண்டும்.உங்களது அன்றாட வாழ்க்கையின் ஒவ்வொரு செயலிலும் தன்னலமற்ற அன்பை வெளிப்படுத்துங்கள்.இந்த அன்பிலிருந்து தெய்வீகம் வெளிப்படும். இறைவனை உணர்வதற்கான எளிதான வழி இதுவே.ஆனால் மக்கள் ஏன் இந்த வழியைப் பின்பற்றுவதில்லை?ஏனெனில் அவர்கள் இறைவனை அனுபவிப்பதற்கான முறையைப் பற்றிய தவறான கருத்தால் பீடிக்கப் பட்டிருக்கிறார்கள். அவர்கள் கடுமையான ஆன்மீக சாதனைகளின் மூலம் மட்டுமே பெறக்கூடிய,எங்கோ தொலை தூரத்தில் இருக்கும் ஒன்றாக இறைவனைக் கருதுவதே இதற்குக் காரணம். இறைவன் அங்கிங்கெனாதபடி எங்கும் நிறைந்தவன். நீங்கள் இறைவனை எங்கும் தேட வேண்டிய அவசியமில்லை.நீங்கள் காணும் அனைத்தும் தெய்வீகத்தின் வெளிப்பாடே. நீங்கள் காணும் அனைத்து மனிதர்களும் தெய்வீக ஸ்வரூபங்களே. உங்களது தவறான திருஷ்ட்டியைச் சரி செய்து கொள்ளுங்கள்; நீங்கள் அனைத்திலும் தெய்வீகத்தை உணர்வீர்கள்.அன்பின் சக்தி அளவிட முடியாதது.எனவே, அனைத்து ஜீவராசிகளின் ஆன்மீக ஒற்றுமை உணர்வை வளர்த்துக் கொண்டு, நடைமுறைப் படுத்துங்கள்.