இறைவன் வசிக்கும் இடம் பல விதமாக வைகுண்டம்,கைலாசம் என்றெல்லாம் வர்ணிக்கப் படுகிறது. இவை எல்லாம் கற்பனைப் பெயர்களே. இறைவன் வசிக்கும் இடம் எது?இறைவன் நாரத முனிவரிடம், '' எங்கெல்லாம் என் பக்தர்கள் என் பெருமைகளைப் பாடுகிறார்களோ அங்கெல்லாம் நான் வசிக்கிறேன்'' என்று கூறினார்.இறைவன் பக்தர்களின் இதயங்களின் உறைகிறான். அதுவே அவனது முதன்மையான விலாசம். மற்ற அனைத்தும், '' கிளை அலுவகங்களே !'' உங்களது ஹ்ருதயவாஸி என இறைவனைக் குறிப்பிடப்பட்டு அனுப்பும் எந்தச் செய்தியும் அவனைக் கட்டாயம் சென்றடையும்.'' ஏகாதஸி'' என்றால் என்ன? அதை ஏதோ ஒரு குறிப்பிட்ட இடம் அல்லது நேரம் என்று கருதக் கூடாது. ஏகாதஸ ருத்ரத்தின் உருவகம் ஐந்து கர்மேந்திரியங்கள், ஐந்து ஞானேந்திரியங்கள் மற்றும் மனம் ஆகியவற்றால் ஆக்கப் பட்டது. ருத்ரா என்பவர் பல தெய்வீக சக்திகளைக் கொண்ட மனித உடலில் உறைபவர்.இன்றும்,என்றும், இந்த தெய்வீக சக்திகளும்,இறைவனும் கூட உங்கள் இதயத்தின் உள்ளே உறைகின்றன என்பதை நினைவு படுத்திக் கொண்டே இருங்கள்.