இறைவனது ஸங்கல்பம்,ஆன்மீக சாதகர்களது தேவைகள், ஆன்றோர்களின் போதனைகள் என்ற மூன்றும் இணைந்து செயல்படும் போது உலகத்தின் சந்தோஷங்கள் உறுதி செய்யப் பட்டு, குறையாமல் இருக்கும். குழப்பம், அநீதி, ஒழுங்கின்மை மற்றும் பொய்மை ஆகியவை சாந்தி, சத்தியம்,அன்பு மற்றும் பரஸ்பர சேவையாக மாற வேண்டும் என அனைத்து மனித குலமும் ஒன்றாகப் பிரார்த்திக்குமானால்,நிலைமை கண்டிப்பாக சீரடையும்.கவலைப் படுவதால் பயனில்லை.வேறு எந்த வழியும் கிடையாது.மனத்தளர்ச்சி அடைய வேண்டிய அவசியமில்லை. தாங்கள் பலஹீமானவர்கள் மற்றும் சக்தி அற்றவர்கள் எனப் புலம்புவது, மனிதர்களின் இயல்பான தன்மைக்கு முரணானதாகும்.எனவே, வேறு எந்த முறையையும் தேடுவதை விட்டு விட்டு, மனிதர்கள் பிரார்த்தனை, பிறருக்கு சேவை, பரஸ்பர அன்பு மற்றும் மரியாதை ஆகியவற்றில் முயற்சி செய்து பார்க்க வேண்டும்.அவர்கள் மேலும் தாமதிக்கக் கூடாது;அவர்கள் வெகு விரைவில் திருப்தியையும், சந்தோஷத்தையும் பெறுவார்கள்.