மனிதர்கள் விண்வெளியை ஆராய்வதில் ஈடுபடுகிறார்களே அன்றி,தங்களுள் உள்ள தெய்வீகத்தை ஆராய்வதில் சிறிதளவேனும் முயற்சி செலுத்துவதில்லை.தாய், தந்தை மற்றும் இறைவனை மதிக்கும் அடிப்படையான குணங்களைக் கடைப்பிடிக்காமலும், மனிதப் பண்புகளை உண்மையிலேயே வளர்த்துக் கொள்ளாமலும் இருந்து விட்டு, விண் வெளியில் பரிசோதனைகள் செய்வதால் என்ன பயன்? மனிதர்கள் இன்று மனித உருவில் வாழ்கிறார்களே அன்றி மிருக குணங்களால் நிரம்பி இருக்கிறார்கள் !வேதங்கள், அமரத்துவத்தை தியாகத்தின் மூலமே அன்றி செயல், செல்வம் மற்றும் மக்கட் பேறால் பெற இயலாது என பறை சாற்றுகின்றன. எதைத் தியாகம் செய்ய வேண்டும்?உங்களது தீய குணங்களைத் தியாகம் செய்யுங்கள்.உங்களது உள்ளார்ந்த தெய்வீக இயல்பை வெளிப்படுத்த வேண்டும் என்றால்,இறைவன் பால் அன்பையும்,( தெய்வ ப்ரீதி) பாவம் செய்வதில் அச்சத்தையும் ( பாப பீதி) சமூகத்தில் தர்மத்தைப் பற்றி ஒழுகுதலையும்( ஸங்க நீதி )கடைப்பிடியுங்கள். எப்போது நீங்கள் பாவத்திற்கு அஞ்சி, இறைவனை நேசிக்கிறீர்களோ, நீங்கள் ஒழுக்கமற்ற செயல்களில் ஈடுபட மாட்டீர்கள்; அதுவே சமூகத்தில் நல்லொழுக்கத்தை தானாகவே உறுதி செய்து விடும்.இறைவனை, ஆராய்ச்சிகள் மூலமாக அன்றி, அனுபவ பூர்வமாக மட்டுமே உணர முடியும். எனவே, நீங்கள் தேர்ந்தெடுத்துள்ள ஆன்மீக சாதனைகளை புத்ததிசாலித்தனமாகவும், உளமாறவும் கடைப்பிடியுங்கள்.