உண்மையான ஆதாரமான உள்ளுறையும் ஆத்மாவை மறந்து விட்டு, ஒவ்வொருவரும் தங்களது உடல், மனம் மற்றும் புத்தியைப் பற்றிப் பெருமிதம் கொண்டவர்களாக இருக்கிறார்கள்.ஆத்மாவிற்கு பிறப்போ அல்லது இறப்போ கிடையாது.தனது கிளைகள்,இலைகள்,மலர்கள் மற்றும் பழங்களைப் போஷித்துக் காக்கும் ஒரு மரத்தின் ஆணி வேரைப் போன்றது அது.வாழ்க்கை எனும் மாளிகை எதன் மீது நிலையாக நிற்கிறதோ, அந்த அஸ்திவாரம் ஆத்மாவே ஆகும்.மனிதப் பிறவி தலை சிறந்தது,புனிதமானது மற்றும் விலை மதிக்க முடியாதது. ஒவ்வொரு மனித உடலும் பஞ்ச பூதங்களால் ஆனது; நீங்கள் ஐந்து விதமான உறைகளுக்குள் ( கோசங்கள் ) இருக்கிறீர்கள்- அதாவது அன்னமய கோசம், ப்ராணமய கோசம், மனோமய கோசம்,விஞ்ஞான மய கோசம் மற்றும் ஆனந்த மய கோசம்.மற்ற அனைத்து ஜீவ ராசிகள் முதல் மூன்று கோசங்களை மட்டுமே கொண்டவை; ஆனால் மனிதர்கள் மட்டுமே இந்த ஐந்து விதமான எல்லாக் கோசங்களையும் கொண்டவர்கள். எனவே,தெய்வீகத்தின் திருவுருவங்களே !அந்த தெய்வீக உண்மையை பாடுபட்டு, அனுபவிப்பதே ஒவ்வொருவரின் தலையாய கடமையாகும். இதற்கு மிகவும் நிச்சயமான மற்றும் எளிதான வழி , ஒவ்வொரு நாளையும், நீங்களும் அந்த தெய்வீகத்தின் ஒரு அங்கமே என்ற உணர்வுடன் தொடங்குவதே ஆகும்.