இறைவனை உணர்வதற்கான விஷயங்களில் கூட நீங்கள் மிகுந்த கவனத்துடன் இருக்க வேண்டும். எந்த விதமான அசௌகரியங்களை ஒருவர் எதிர் கொள்ள நேரிட்டாலும்,ஆன்மீக சாதனைகளை எந்த விதமான நிறுத்தமோ அல்லது மாற்றமோ இல்லாமல், ஒருவர் செய்து கொண்டு வர முயல வேண்டும். தான் நேசித்து,போற்றி, நாமஸ்மரணைக்காக தேர்ந்து எடுத்துள்ள இறை நாமத்தை மாற்றக் கூடாது. சில நாட்களுக்கு ஒரு தடவை இறை நாமத்தை மாற்றிக் கொண்டே இருந்தால் மனக்குவிப்பு என்பது இயலாததாகி விடும்.மனம் ஒருமுகத் தன்மையைப் பெற முடியாது.அனைத்து ஆன்மீக சாதனைகளும், இந்த ஒரு முகத் தன்மையையே தங்களது இறுதிக் குறிக்கோளாகக் கொண்டவை. எனவே, எப்போது பார்த்தாலும், இறை நாம , ரூபங்களை ஏற்பதும், விலக்குவதுமாக இருக்காதீர்கள்.ஜபத்திலும், தியானத்திலும் ஒரே ஒரு இறை நாமத்தைத் தான் ஸ்மரணை செய்ய பயன்படுத்த வேண்டும். இறைவனது பல நாம ரூபங்களும்,தான் திரும்பத் திரும்பச் சொல்லும் இறை நாம ரூபமும் ஒன்றே என்ற உறுதியான நம்பிக்கையை ஒருவர் பெற வேண்டும். நீங்கள் தேர்ந்தெடுத்துள்ள இறை நாம, ரூபம், எந்த விதமான வெறுப்பு அல்லது விரோத உணர்வை அளிக்கவே கூடாது.