மற்றவர்களிடம் குறை காண்பதும், தமது குறைகளை மறைப்பதும் ஆன்மீக சாதகரது லக்ஷணமல்ல.யாராவது உங்களது குறைகளைச் சுட்டிக் கட்டினால், அவர்களுடன் விவாதித்து, நீங்கள் தான் சரி என நிரூபிக்க முயலாதீர்கள்; அதற்காக அவர்கள் மீது காழ்ப்புணர்ச்சி கொள்ளாதீர்கள்.உங்களுக்குள்ளேயே அது எவ்வாறு ஒரு குறையாக உள்ளது என ஆராய்ந்து,உங்களது நடத்தையைச் சரி செய்து கொள்ளுங்கள்.உங்களது திருப்திக்காக அதற்கு சப்பைக் கட்டு கட்டுவதோ அல்லது அதைச் சுட்டிக் காட்டியவர் மீது பழி தீர்த்துக் கொள்வதோ, ஆன்மீக சாதகர் அல்லது பக்தனது இயல்பாகாது. மனஅழுத்தம்,சந்தேகம்,அகந்தை-இவை ஒருவரது ஆன்மீக சாதனைகளுக்குப் பங்கம் விளைவிக்கும்;இவை கெட்ட பலன்களைத் தரும் ராகு, கேது போன்றவை.உங்களது பக்தி நன்றாக நிலை கொண்டு விட்டால், இந்த குணங்களை எளிதாக விட்டு விடலாம்.எப்போதும் உண்மையான, மகிழ்ச்சியூட்டுபவற்றையே நாடுங்கள்;அசத்தியமான,துக்கமான மற்றும் மன அழுத்தம் ஏற்படுத்தும் எண்ணங்களைத் தவிர்த்து விடுங்கள்.எப்போதும் மகிழ்ச்சியாகவும், புன்சிரிப்புடனும், எல்லா சந்தர்ப்பங்களிலும் உற்சாகமுள்ளவராகவும் இருங்கள். இந்தத் தூய்மையான மனப்பாங்கு மிகவும் விரும்பத் தக்கது. புகழப்படும்போது பொங்கி எழவோ, இகழப்படும்போது தளர்ந்து விடவோ செய்யாதீர்கள்- ஆன்மீக சிங்கமாக இருங்கள் !