எல்லாருடனும் மற்றும் கண்டவர்களுடனும் தேவையற்ற மற்றும் அளவுக்கு மீறிய சம்பந்தம் வைத்துக் கொள்வதைத் தவிர்த்து விடுங்கள். தங்களுடைய பெற்றோர் மற்றும் உற்றார் உறவினர்களை விட்டு விட்டு பலர் அமெரிக்கா, ஜப்பான், ஜெர்மனி, ரஷ்யா போன்ற பல நாடுகளிலிருந்து புட்டபர்த்திக்கு வருகிறார்கள். பின்னர் நீங்கள் மட்டும் ஏன் புதுப் புது உறவுகளை ஏற்படுத்திக் கொள்ள வேண்டும்?எவராயினும், அவருடன் உள்ள உறவை ஒரு குறைந்த பட்ச அளவிலேயே வைத்துக் கொள்ளுங்கள். உங்கள் மனதைத் தூய்மையாக வைத்துக் கொள்ளுங்கள். வெட்டிப் பேச்சுக்களில் ஈடுபட வேண்டிய அவசியம் எதுவும் இல்லை. குறைவாகப் பேசுங்கள்;நிறைய சிந்தியுங்கள் அல்லது செயலாற்றுங்கள். இந்தப் பழக்கத்தை வளர்த்துக் கொள்ளுங்கள். முன்பின் தெரியாதவர்களுடன் தேவையற்ற சம்பந்தம் கொள்வது விரும்பத் தகாத விளைவுகளை உண்டாக்கும்.தீயவர்களின் நட்பு வட்டத்தில் சேர்ந்து, துயரப்படுவது என்பது தானே தேடிக் கொள்ளும் பேராபத்தாகும்.உண்மையான ஆன்மீக சாதகர்கள், குறிப்பாக தீயவர்களின் நட்பை தவர்ப்பதில் கவனத்துடன் இருக்க வேண்டும். அவர்கள் தங்களது ஆன்மீக முன்னேற்றம் மற்றும் மனச்சாந்திக்கு ஏற்ற சூழ்நிலையை உருவாக்கிக் கொள்ள வேண்டும். சுவாமி வேண்டுவது அது ஒன்றுதான். நேரத்தை வீணடிக்காதீர்கள். உபயோகமற்ற எண்ணங்களுக்கு இடமளிக்காதீர்கள்.