இந்த மனிதப் பிறவி எண்ணற்ற நற்செயல்களின் பலனாகப் பெறப்பட்ட ஒன்று; இதனை வீணடிக்கக் கூடாது; இந்த வாய்ப்பினை முழுவதுமாகப் பயன்படுத்திக் கொள்ள வேண்டும்.கடோபநிஷத் ''இந்த அரிய வாழ்க்கையை வீசி எறிந்து விடக்கூடாது ( ந சத் இஹ அவதீன் மஹதீ வினஷ்டி: )'' எனக் கூறுகிறது. ஒருவர் தன்னையே காப்பாற்றிக் கொள்ள பல வழிகள் இருக்கும் போது, தப்பித்துக் கொள்வதைப் பற்றியே யோசிக்காமல் இருந்தால் எவ்வளவு பெரிய நஷ்டம்? கடோபநிஷத் மேலும், '' எழு ! விழித்திரு !(உத்திஷ்டத ! ஜாக்ரத !) என்றும் அறிவுறுத்துகிறது. எதை ஏற்றுக் கொள்வது ,எதை ஒதுக்குவது என்பதைப் பற்றிய சந்தேகங்களால் பீடிக்கப் பட்டவர்கள், மாயையினால் குருடாக்கப் பட்டவர்கள், இருட்டு மற்றும் வெளிச்சம், இறப்பு மற்றும் அமரத்துவம் என இனம் பிரித்துப் பார்க்க இயலாதவர்கள் -இந்த அனைவரும், இந்தப் படைப்பின் ஸ்வயம்பிரகாசமான ஆதார அடிப்படை,சாஸ்வதமான சத்தியம் ஆகியவற்றைப் புரிந்து கொள்வதற்கான பாதையைக் காட்ட வல்ல மஹான்களை அணுக வேண்டும்.பின்னர் இந்த உலகமும், சுவர்க்கமும் அதே ஒளிப்பிழம்பில் ஒன்றரக் கலந்து விடும்! இந்த உணர்வைப் பெறுவதற்கு, உங்களுக்கு தீராத வேட்கையும், கட்டுப்பாடான பயிற்சியும் தேவை.