இறைவன் அங்கிங்கெனாதபடி எங்கும் நிறைந்தவன்( ஸர்வவ்யாபி).அவன் தனது பக்தர்களை நேசிப்பவன் (பக்தவத்ஸலன்).உங்கள் இதயத்தை இறைவன் கொலுவீற்றிருக்கும் சிம்மாசனமாக ஆக்கி விடுங்கள்.மைக்கா படிவங்கள் உள்ள பூமி மதிப்பு வாய்ந்தது;ஆனால் தங்கப் படிவங்கள் கொண்ட பூமி அதை விட விலைமதிப்புடையது.ஒரு பூமி அதனுள் உள்ள உலோகங்களின் மதிப்பைப் பொறுத்தே மதிப்பிடப் படுகிறது.அதைப் போலவே, இதயங்களும் அவற்றுள் உள்ளவற்றை வைத்தே மதிப்பிடப் படுகின்றன. இறைவனை உங்கள் இதயங்களில் வையுங்கள்; பின்னர் அவை விலைமதிப்பற்ற சொத்துக்களாக ஆகி விடும்.நீங்கள் இறைவனை இதயத்தில் பதித்து விட்டால்,நீங்கள் எங்கும் இறைவனையே காண்பீர்கள்.ஏனெனில் ஸர்வம் ப்ரம்மமயம் என்பது உண்மையே. இன்றே நற்செயல்கள், நல்லெண்ணங்கள் மற்றும் நல்நட்பு வட்டங்களில் மட்டுமே ஈடுபடுவாம் எனப் பிரதிக்ஞை எடுத்துக் கொள்ளுங்கள். உங்கள் மனம் உயர்ந்த எண்ணங்களையே சிந்திக்கட்டும். நீங்கள் விழித்திருக்கும் ஒரு கண நேரத்தைக் கூட வெற்றுத் தம்பட்டம் அடித்துக் கொள்வதிலோ அல்லது வெட்டிப் பேச்சிலோ அல்லது கீழ்த்தரமான கேளிக்கைகளிலோ வீணடிக்காதீர்கள்.உயிருள்ள வரை நற்செயல்களை ஆற்றுங்கள்;இனிமையாகவும்,இதமாகவும் பேசுங்கள்;ஒரு போதும் மற்றவரைப் புண்படுத்தவோ அல்லது இகழவோ செய்யாதீர்கள்; தேவைப்படுபவர்களுக்கு சேவை செய்யுங்கள்; மனக் கண்களின் முன் இறைவனது ரூபத்தை எப்போதும் வைத்திருங்கள்.