கடிகாரத்தில் உள்ள நிமிட முள் ஒரு தனி ஜீவாத்மாவைப் போன்றது. அது சுற்றிச் சுற்றி வருகிறது - மணி முள்ளும் நகருகிறது சத்தமின்றி மெதுவாக கண்ணியத்துடன்.இந்த மணி முள்ளே பரமாத்மா.ஒரு மணிக்கு ஒரு தடவை இந்த இரண்டும் சந்திக்கின்றன; ஆனால், ஜீவாத்மாவால் இந்த ஸங்கமத்தை என்றைக்குமாக நிலையாக வைத்துக் கொள்ள முடிவதில்லை.அது இந்த அரிய வாய்ப்பினை இழந்து விடுகிறது; எனவே மறுபடியும் சுற்றிச் சுற்றி வரவேண்டி இருக்கிறது.இரண்டும் ஒன்றரக் கலக்கும் போதுதான் மோக்ஷம் கிட்டுகிறது; பின்னர் இருப்பது ஒன்றே ஒன்று தான். எவ்வாறு பட்டுப் புழு, அதற்கே கல்லறையாக மாறி விடும் கூட்டை, தன்னிலிருந்தே பின்னிக் கொள்கிறதோ, மனிதர்களும் தங்களது மனங்களிலிருந்து ஒரு கூண்டை உருவாக்கி அதற்குள் சிக்கிக் கொள்கிறார்கள். மனதிற்கு இறைவனுக்குச் சேவை செய்யும் பணியைக் கொடுத்து விட்டால், அது வழிக்கு வந்து விடும்.உங்கள் மனதை இறைவனிடம் கொடுத்து விடுங்கள்.கடந்த காலத்தை மறந்து விடுங்கள்; எதிர் காலத்தின் தவறுகளைப் பற்றி கவலைப் படாதீர்கள்.நினைவிற்குக் கொண்டு வருவதற்குத் தகுதியானவற்றை மட்டும் நினைவில் வைத்து, உங்களது ஆன்மீக சாதனைகளை விடாமுயற்சியுடன் பின்பற்றுங்கள். நீங்கள் ஆன்மீக முன்னேற்றம் பெறுவீர்கள்.