ஜீவன், தான் பிரபஞ்சமயமான பரப்ரம்மத்திலிருந்து பிரிந்து விட்டதாக நம்பி, ஆசை-நிராசை,விருப்பு-வெறுப்பு,சுகம்-துக்கம் போன்றவைகளுக்கு ஆளாகி, நாம, ரூபங்களாலான இந்த உலகத்தால் கவரப்படுகிறான்.இப்படிப் பட்ட மனிதனைக் ''கட்டுண்டவன்'' என்றே விவரிக்கலாம்; அவன் விரைவாக விடுவிக்கப் பட வேண்டியவன்.விடுதலை பெறுவதற்கு, நீங்கள் பிரக்ருதி மேல் சார்ந்திருப்பதையும்,அதன் மீது உள்ள பற்றுதலையும் விட்டு விட வேண்டும். குருடனை, குருடன் விடுவிக்க இயலாது.பிறரைப் போலவே, உதவியற்றவனாக இருக்கும் ஒருவன், எவ்வாறு ஏழ்மை, துன்பம் மற்றும் துயரத்திலிருந்து அவர்களை விடுவிக்க முடியும்? ஏழை, செல்வந்தனை அணுகிறான்; பார்வையற்றவன், பார்வை உள்ளவர்களிடமிருந்து வழி காட்டுதலை நாடுகிறான். அதைப் போலவே, சிருஷ்ட்டியின் இருமைகளால் கட்டுண்டு, கண் தெரியாமல் இருக்கும் ஒருவர், கருணை, வலிமை மற்றும் ஞானத்தின் அள்ள அள்ளக் குறையாத பொக்கிஷமான ஆத்மாவில் அடைக்கலம் புக வேண்டும். பின்னர், நீங்கள் தரித்திரம் மற்றும் துயரத்திலிருந்து விடுபட்டு, பரமானந்தத்தின் செல்வச் செழிப்பில் திளைத்திருக்கலாம்.