நீங்கள் வாழ்க்கையில் கஷ்டங்களையும்,போராட்டங்களையும் எதிர் கொள்ளும் போது, இறைவனை இறுகப் பற்றிக் கொள்ளுங்கள்.ஒரு குழந்தைக்கு தைரியம் ஊட்டுவதற்காக, ஒரு தாய் அதை சில அடிகள் நடந்து பின் திரும்புவதற்கு இணங்க வைக்கிறாள்; ஆனால் அவள் அது கீழே விழுந்துவிட அனுமதிப்பதில்லை.அது தட்டுத் தடுமாறி, தன் சமநிலையை இழந்து விட்டால், அவள் உடனேயே விரைந்து சென்று, பின்னாலிருந்து பிடித்துக் கொள்கிறாள் !இறைவனும் அதைப் போலவே தனது பார்வையை ஒவ்வொரு ஜீவனின் மீதும் வைத்துள்ளான்.அவன் தனது கையில் மனித குலம் என்ற பட்டத்தின் நூலை வைத்துள்ளான் ! சில சமயம் அவன் அதைப் பிடித்து இழுக்கலாம், மற்றும் சில சமயங்களில் அவன் தனது பிடியைத் தளர்த்திக் கொள்ளலாம் ! அவன் எதைச் செய்தாலும், தன்னம்பிக்கையுடன் ஒரு கவலையும் இன்றி இருங்கள், ஏனெனில் இறைவனே உங்களது வாழ்க்கையின் கயிற்றைப் பிடித்துக் கொண்டுள்ளான்.அந்த உறுதியான நம்பிக்கை, உங்களை ப்ரேம ரஸத்தின் சாரத்தால் நிரப்பி விடும்.அந்தக் கயிறே அன்பு மற்றும் அருளின் பந்தமாகும்; ஒவ்வொரு ஜீவன் என்ற பட்டமும் இறைவனோடு இவ்வாறு இணைக்கப் பட்டுள்ளன.நீங்கள் செய்ய வேண்டியது எல்லாம்,அந்த அன்பு மற்றும் அருளின் பிணைப்பை வலுவாக்குவதற்கான பாதையில் நடப்பது ஒன்று தான்.