இருபது சம்மட்டி அடிகள் ஒரு கல்லை உடைக்க முடியாமல் போகலாம், ஆனால் இருபத்தி ஒன்றாவது அடி அதை உடைத்து விடக் கூடும். இதனால் அந்த இருபது அடிகளும் பயனற்றவை என்றா அர்த்தம் ? இல்லை. அந்த இறுதி வெற்றி, அனைத்து அடிகளும் சேர்ந்ததால் பெற்ற விளைவுதான். உங்கள் மனம், உள் மற்றும் வெளி உலகத்துடன் இடையறாது போராடிக் கொண்டு தான் இருக்கிறது. நீங்கள் எல்லாக் காலங்களிலும் வெற்றி பெற முடியாது என்பதைச் சொல்லவே தேவையில்லை. ஆனால் உங்களை நற்செயல்களில் ஈடுபடுத்திக் கொண்டு, மனதை இறைவன் பால் கொள்ளும் அன்பில் தோய்ந்திருக்குமாறு செய்தீர்களானால்,நீங்கள் நிரந்தரமான ஆனந்தத்தைப் பெறுவீர்கள். எப்போது உங்கள் மனம் இறைச் சிந்தனையிலேயே இருக்கின்றதோ, நீங்கள் தானாகவே நற்செயல்களின் பக்கமே ஈர்க்கப் படுவீர்கள். அனைத்து ஆன்மீக சாதனைகளின் குறிக்கோளும், மனதை அழிப்பது தான்; என்றாவது ஒருநாள் எவ்வாறு அந்த இருபத்தி ஒன்றாவது சம்மட்டி அடி அந்தக் கல்லை உடைத்ததோ, அவ்வாறே ஒரே ஒரு நற்செயல் உங்கள் மனதை அழிப்பதில் வெற்றி பெற்று விடும். எனவே, எந்த நற்செயலும் வீணல்ல, சின்னச் சின்ன செயலும் முக்கியமானதே. உங்கள் வாழ்க்கையின் ஒவ்வொரு தருணத்தையும் அன்பில் தோய்த்து விடுங்கள். பின்னர் தீய உந்துதல்கள் உங்களது பாதையில் தடையாக இருக்காது.